એશિયા કપ: શ્રીલંકાએ ભારતને 6 વિકેટે હરાવ્યું
- શ્રીલંકન બેટ્સમેનોની દમદાર બેટિંગ
- ભારત 8/173, રોહિત 72, સૂર્યકુમાર યાદવના 34 રન
- શ્રીલંકા 4/174, કુશલ મેન્ડિસ 57, ચહલની ત્રણ વિકેટ
છેલ્લી ઓવર સુધી રોમાંચક બનેલી મેચમાં શ્રીલંકાએ એક બોલ બાકી રાખીને ભારતને છ વિકેટે પરાજય આપીને એશિયા કપ T20 ટૂર્નામેન્ટની ફાઇનલમાં પ્રવેશ કરી લીધો હતો. ભારતના આઠ વિકેટે 173 રનના જવાબમાં ટોસ જીતીને પ્રથમ ફિલ્ડિંગ કરનાર શ્રીલંકન ટીમે 19.5 ઓવરમાં ચાર વિકેટે 174 રન બનાવીને વિજય હાંસલ કરી લીધો હતો. સુપર-4માં પાકિસ્તાન અને શ્રીલંકા સામે હારવાના કારણે ભારતના અભિયાનનો લગભગ અંત આવી ગયો છે. શ્રીલંકન ટીમે સતત ત્રીજી વખત 170 પ્લસનો સ્કોર ચેઝ કર્યો છે. ભારતની ઇનિંગમાં સુકાની રોહિતે 72 રન બનાવ્યા હતા. શ્રીલંકા માટે ઓપનર નિશાંકાએ 52 તથા કુશલ મેન્ડિસે 57 રન બનાવ્યા હતા. બંનેએ પ્રથમ વિકેટ માટે 97 રનની ભાગીદારી નોંધાવી હતી. ઇનિંગ્સના મધ્ય ભાગમાં ચહલે ત્રણ વિકેટ ઝડપીને મેચ રોમાંચક બનાવી હતી.
શ્રીલંકાને 174 રનનો ટાર્ગેટ
એશિયા કપના સુપર-4 મેચમાં ભારતે શ્રીલંકા સામે 20 ઓવરમાં 173 રન બનાવ્યા હતા અને શ્રીલંકાને જીતવા 174 રનનો ટાર્ગેટ આપ્યો હતો.
રોહિત શર્માની શાનદાર હાફ સેન્ચુરી
ટીમ ઈન્ડિયાના કેપ્ટન રોહિત શર્માએ પોતાના કરિયરની 28મી T20 ઈન્ટરનેશનલ ફિફ્ટી ફટકારી છે. આ ઉપરાંત તેણે 3600 રન પણ બનાવી દીધા છે. તો રોહિત શર્મા ભારત તરફથી એશિયા કપમાં સૌથી વધુ રન ફટકારનાર બેટ્સમેન બની ગયો છે.
શ્રીલંકાએ ટોસ જીતી બોલિંગ પસંદ કરી
એશિયા કપ 2022ના સુપર-4 રાઉન્ડમાં આજે શ્રીલંકાની ટીમે દુબઈના મેદાન પર ભારત સામે ટોસ જીતી પ્રથમ બોલિંગ કરવાનો નિર્ણય લીધો હતો અને ભારતને પહેલા બેટિંગનું આમંત્રણ આપ્યું હતું.
બંને ટીમની પ્લેઇંગ ઇલેવન
ભારતઃ રોહિત શર્મા (કેપ્ટન), કેએલ રાહુલ, વિરાટ કોહલી, સૂર્યકુમાર યાદવ, રિષભ પંત, હાર્દિક પંડ્યા, દીપક હુડ્ડા, યુઝ્વેન્દ્ર ચહલ, રવિચંદ્રન અશ્વિન, ભુવનેશ્વર કુમાર, અર્શદીપ સિંહ.
શ્રીલંકા: પથુમ નિસાંકા, કુસલ મેન્ડિસ, ચરિથ અસલંકા, દાનુષ્કા ગુણાથિલાકા, ભાનુકા રાજપક્ષે, વાનિન્દુ હસરાંગા, દાસુન શનાકા (કેપ્ટન), ચમિકા કરુણારત્ને, મહેશ થીક્ષના, દિલશાન મદુશંકા, અસિથા ફર્નાન્ડો
