માત્ર રૂ.5147માં સરકાર પાસેથી સસ્તામાં ખરીદો સોનું, આજથી શરૂ

• સોવરિન ગોલ્ડ બોન્ડની સ્કીમ હેઠળ એક ગ્રામ સોનું રૂ.5197માં ખરીદી શકો
• ડિજિટલ પેમેન્ટ પર પ્રતિ ગ્રામ રૂ.50નું ડિસ્કાઉન્ટ
• આ ગોલ્ડ બોન્ડ સ્કીમમાં 26 ઑગ્સટ સુધી કરી શકાશે રોકાણ

સોનું હંમેશા ભારતીય લોકોની પહેલી પસંદ રહ્યું છે. તેની ગણતરી રોકાણની પરંપરાગત પદ્ધતિઓમાં થાય છે. દાગીના ઉપરાંત ખાસ કરીને ભારતમાં સોનાનો ઉપયોગ જૂના જમાનાથી રોકાણના સાધન તરીકે કરવામાં આવે છે. અનિશ્ચિત સમયમાં તેને રોકાણના સલામત માર્ગો પૈકી એક ગણવામાં આવે છે. તેનું કારણ એ છે કે તે હંમેશા લાંબા ગાળામાં નફો આપે છે. જો કે સોનાના દાગીના અને ઘરેણા ખરીદવા સાથે સંકળાયેલા કેટલાક જોખમો છે, જેમ કે ચોરીનો ડર, તેને લોકરમાં રાખવાનો ચાર્જ વગેરે. આવી સ્થિતિમાં સરકારે લોકોને ફરી એક સુવર્ણ તક આપી છે. આમાં ન માત્ર સુરક્ષિત રીતે સોનું ખરીદવાની તક મળશે પરંતુ સરકાર પોતે પણ તેને બજાર કરતાં ઓછી કિંમતે વેચશે.

બીજી શ્રેણી આ તારીખ સુધી ખુલ્લી રહેશે

વાસ્તવમાં અમે કેન્દ્ર સરકારની સોવરિન ગોલ્ડ બોન્ડ સ્કીમની વાત કરી રહ્યા છીએ. કેન્દ્ર સરકારની સોવરિન ગોલ્ડ બોન્ડ યોજનાની બીજી શ્રેણી આજથી શરૂ થઈ છે. આ ગોલ્ડ બોન્ડ સ્કીમમાં 26 ઓગસ્ટ સુધી રોકાણ કરી શકાય છે. સોવરિન ગોલ્ડ બોન્ડ સ્કીમ હેઠળ રિઝર્વ બેંક ઓફ ઈન્ડિયા (RBI) ગોલ્ડ બોન્ડની કિંમત નક્કી કરે છે. અગાઉ નાણાકીય વર્ષ 2022-23 માટે સોવરિન ગોલ્ડ બોન્ડ યોજનાની પ્રથમ શ્રેણી જૂન મહિનામાં આવી હતી.

પહેલી સીરીઝ કરતાં આટલી વધારે કિંમત

રિઝર્વ બેંકના જણાવ્યા અનુસાર સોવરિન ગોલ્ડ બોન્ડ સ્કીમની બીજી શ્રેણી હેઠળ તેની કિંમત 5197 રૂપિયા પ્રતિ ગ્રામ નક્કી કરવામાં આવી છે. ઇશ્યૂ પ્રાઇસ ઇન્ડિયન બુલિયન એન્ડ જ્વેલર્સ એસોસિએશનની બંધ કિંમતના સરેરાશ મૂલ્ય પર આધારિત છે. તેના માટે સબ્સ્ક્રિપ્શન સમયવાળા અઠવાડિયા પહેલાના 03 વર્કિંગ દિવસની કિંમતને આધાર તરીકે લેવામાં આવે છે. સોવરિન ગોલ્ડ બોન્ડ સ્કીમની બીજી શ્રેણી વિશે વાત કરીએ તો તેની ઈશ્યુ કિંમત નક્કી કરવા માટે 17 ઓગસ્ટ, 18 ઓગસ્ટ અને 19 ઓગસ્ટના બંધ ભાવોને આધાર તરીકે લેવામાં આવ્યા છે. આ વખતે ગોલ્ડ બોન્ડની કિંમત જૂનમાં પ્રથમ સિરીઝ કરતાં રૂ.106 વધુ છે. જૂનમાં પ્રથમ સીરીઝ હેઠળ ઇશ્યૂની કિંમત 5,091 રૂપિયા પ્રતિ ગ્રામ નક્કી કરવામાં આવી હતી.

ડિજિટલ પેમેન્ટ પર ડિસ્કાઉન્ટ

રિઝર્વ બેંકના જણાવ્યા અનુસાર જો કોઈ રોકાણકાર સોવરિન ગોલ્ડ બોન્ડ સ્કીમમાં ઓનલાઈન પેમેન્ટ કરે છે તો તેને પ્રતિ ગ્રામ 50 રૂપિયાનું ડિસ્કાઉન્ટ મળશે. આ રીતે આવા લોકોને માત્ર 5,147 રૂપિયા પ્રતિ ગ્રામના દરે સોનું મળશે. આ બોન્ડ સ્કીમ આઠ વર્ષ માટે માન્ય છે. તે પાંચમા વર્ષ પછી ગમે ત્યારે વેચી શકાય છે. સોવરિન ગોલ્ડ બોન્ડ ખરીદવા માટે રોકડ, ડિમાન્ડ ડ્રાફ્ટ અથવા નેટ બેંકિંગ દ્વારા ચુકવણી કરી શકાય છે. આ બોન્ડ ખરીદવા માટે માત્ર 20 હજાર રૂપિયા રોકડમાં ચૂકવી શકાશે.

આ રીતે તમે સ્કીમમાં રોકાણ કરી શકો છો

સોવરિન ગોલ્ડ બોન્ડ સ્કીમ હેઠળ વ્યક્તિ એક ગ્���ામ સોનું ખરીદીને રોકાણ શરૂ કરી શકે છે. કોઈપણ એક નાણાકીય વર્ષ દરમિયાન સોવરિન ગોલ્ડ બોન્ડ સ્કીમમાં વધુમાં વધુ 4 કિલો સોનું ખરીદી શકાય છે. અવિભાજિત હિન્દુ પરિવારો અને ટ્રસ્ટો માટે આ મર્યાદા 20 કિલો નક્કી કરવામાં આવી છે. આ બોન્ડ સરકાર વતી રિઝર્વ બેંક દ્વારા રજૂ કરવામાં આવે છે. આ બેંકો (નાની ફાઇનાન્સ બેંકો અને પેમેન્ટ બેંકો સિવાય), સ્ટોક હોલ્ડિંગ કોર્પોરેશન ઓફ ઈન્ડિયા લિમિટેડ, નોમિનેટેડ પોસ્ટ ઓફિસો અને નેશનલ સ્ટોક એક્સચેન્જ ઓફ ઈન્ડિયા લિમિટેડ અને બોમ્બે સ્ટોક એક્સચેન્જ લિમિટેડ જેવા માન્ય સ્ટોક એક્સચેન્જો દ્વારા ખરીદી શકાય છે.