GST કાઉન્સિલ બેઠક,મલ્ટીપ્લેક્સમાં ખાવાનું થયું સસ્તું, જાણો શું સસ્તું અને શું મોંધુ

• GST કાઉન્સિલની આજે 50મી બેઠકમાં યોજાઈ હતી
• કાઉન્સિલે GST ટ્રિબ્યુનલની રચનાને મંજૂરી આપી છે
• હવેથી મલ્ટીપ્લેક્સમાં ખાવાનું સસ્તું મળશે

નાણાપ્રધાન નિર્મલા સીતારમણની અધ્યક્ષતામાં બેઠક યોજાઈ હતી જેમાં લેવાયેલા મુખ્ય નિર્ણયો વિશે વાત કરતાં, કાઉન્સિલે GST ટ્રિબ્યુનલની રચનાને મંજૂરી આપી છે. આ સિવાય હવે ઈમ્પોર્ટેડ કેન્સરની દવા પર IGST લાગશે નહીં. GST કાઉન્સિલે ઓનલાઈન ગેમિંગ, કેસિનો, ઘોડાની સવારી પર 28 ટકા GST લગાડવાની મંજૂરી આપી દીધી છે. આ ત્રણ સેવાઓ મોંઘી બનશે તો તેની સામે ફૂડ અને બેવરેજ પરના 18 ટકાના ટેક્સને ઘટાડીને 5 ટકા કરતાં મલ્ટીપ્લેક્સમાં ખાવાનું સસ્તું મળશે.

GST કાઉન્સિલની 50મી બેઠક મંગળવારે પૂરી થઈ. નવી દિલ્હીમાં વિજ્ઞાન ભવનમાં નાણામંત્રી નિર્મલા સીતારમણના નેતૃત્વમાં યોજાયેલી આ બેઠકમાં ઘણા મહત્વપૂર્ણ મુદ્દાઓ પર ચર્ચા કરવામાં આવી હતી અને નિર્ણયો લેવામાં આવ્યા હતા. જેમાં નાણા રાજ્ય મંત્રી પંકજ ચૌધરીનો સમાવેશ થાય છે. આ સાથે રાજ્યો અને કેન્દ્ર શાસિત પ્રદેશોના નાણા મંત્રીઓ અને કેન્દ્ર સરકાર અને રાજ્યોના વરિષ્ઠ અધિકારીઓ પણ આમાં સામેલ થયા હતા. બેઠકમાં લેવાયેલા મોટા નિર્ણયોની વાત કરીએ તો ઓનલાઈન ગેમિંગ પર 28 ટકા GST લાદવાનો નિર્ણય લેવામાં આવ્યો છે.

 

 

આયાતી કેન્સર દવા પર કોઈ IGST નથી

નાણાપ્રધાન નિર્મલા સીતારમણની અધ્યક્ષતામાં યોજાયેલી આ બેઠકમાં લેવાયેલા અન્ય મોટા નિર્ણયો વિશે વાત કરતાં, કાઉન્સિલે GST ટ્રિબ્યુનલની રચનાને મંજૂરી આપી દીધી છે. GST ટ્રિબ્યુનલની રચનાથી કરદાતાઓને મોટી રાહત મળશે. ટ્રિબ્યુનલની રચના બાદ GST સંબંધિત વિવાદોનું સમાધાન સરળતાથી થઈ જશે. આ અંતર્ગત મહારાષ્ટ્રમાં 7 અને પશ્ચિમ બંગાળમાં 2 ટ્રિબ્યુનલ બનાવવામાં આવશે.

આ સિવાય હવે આયાતી કેન્સરની દવા પર IGST લાગશે નહીં. તમને જણાવી દઈએ કે GST કાઉન્સિલની આ બેઠકમાં પહેલાથી જ એવી અપેક્ષા રાખવામાં આવી રહી હતી કે કેન્સરની દવા Dinutuximabની આયાત સસ્તી થઈ શકે છે. જો કે તમને જણાવી દઈએ કે હાલમાં આના પર 12 ટકા IGST વસૂલવામાં આવે છે, જેને કાઉન્સિલ દ્વારા શૂન્ય કરવામાં આવ્યું છે. આ દવાના એક ડોઝની કિંમત 63 લાખ રૂપિયા છે.

 

 

 

ગેમિંગ-હોર્સ રેસિંગ-કેસિનો પર 28% GST

તે જ સમયે, ગેમિંગ, હોર્સ રેસિંગ, કેસિનોની સંપૂર્ણ કિંમત પર 28 ટકા GST લાદવામાં આવશે. આ ઉપરાંત વાહનોના રજીસ્ટ્રેશન પર GSTનો હિસ્સો પણ ગ્રાહક રાજ્યને આપવામાં આવશે, આ બાબતે પણ સમજૂતી થઈ છે. તમને જણાવી દઈએ કે મેઘાલયના મુખ્યમંત્રી કોનરાડ સંગમાના નેતૃત્વ હેઠળના GoM (GoM) એ પોતાના રિપોર્ટમાં ઓનલાઈન ગેમિંગ પર 28 ટકા GST લાદવાનો પ્રસ્તાવ મૂક્યો હતો. આ પ્રસ્તાવને લીલી ઝંડી આપવામાં આવી છે.

માહિતી અનુસાર, બેઠક બાદ મહારાષ્ટ્રના મંત્રી સુધીર મુનગંટીવારે જણાવ્યું કે ઓનલાઈન ગેમિંગને GST કાયદાના દાયરામાં લાવવામાં આવ્યું છે. ગેમ ઓફ સ્કિલની અને ગેમ ઓફ ચાન્સનો કોઈ અર્થ નથી. ફેસ વેલ્યુ ગમે તે હોય, તેના પર 28% GST લાગશે.

ચાર વસ્તુઓ પર GST કાપવામાં આવ્યો છે
GST કાઉન્સિલની બેઠક બાદ નાણાં મંત્રી નિર્મલા સીતારમણે કહ્યું કે ચાર વસ્તુઓ પર GST ઘટાડવાનો નિર્ણય લેવામાં આવ્યો છે. આ ઉપરાંત, અનકુકડ (UNKOKED)વસ્તુઓ પર GST 18% થી ઘટાડીને 5% કરવામાં આવ્યો છે. તે જ સમયે, ઇમિટેશન, ઝરી દોરા પર ટેક્સ 12 ટકાથી ઘટાડીને 5 ટકા કરવામાં આવ્યો છે. ઓટો સેક્ટરને લઈને પણ એક મોટો નિર્ણય લેવામાં આવ્યો છે, જે અંતર્ગત નાણામંત્રીએ SUV પર કહ્યું કે સેડાન કાર પર 22 ટકા Cess લગાવવામાં આવશે નહીં.

સિનેમા હોલમાં ફૂડ અને બેવરેજ પરના ટેક્સમાં ઘટાડો
જીએસટી કાઉન્સિલની બેઠકમાં લેવામાં આવેલા અન્ય મહત્વના નિર્ણયોની વાત કરીએ તો સિનેમા હોલમાં ફૂડ અને બેવરેજ (ઠંડા પીણા) પરનો ટેક્સ ઘટાડીને 5 ટકા કરાયો છે જેને કારણે સિનેમાહોલમાં ફિલ્મપ્રેમીઓને ખાવા-પીવા માટે ખિસ્સા ઢીલા નહીં કરવા પડે.