અલ્લૂ અર્જુનની ફિલ્મ 'પુષ્પા'નો ક્રેઝ હવે ઈન્ડિયન ક્રિકેટર્સની સાથે વિદેશી ખેલાડીઓમાં પણ જોવા મળી રહ્યો છે. બાંગ્લાદેશ પ્રીમિયર લીગની એક મેચ દરમિયાન ડ્વેન બ્રાવોએ વિકેટ લીધા પછી પુષ્પાનો શ્રીવલ્લી ડાન્સ કર્યો હતો. વળી બીજી બાજુ ઓસ્ટ્રેલિયન બેટર ડેવિડ વોર્નરે તો પુષ્પા ફિલ્મના એક્શન વીડિયો એડિટ કરી એમાં પોતાનો ચહેરો લગાવી દીધો છે. આને ઈન્સ્ટાગ્રામ પર શેર કર્યા પછી બે ઘડી ફેન્સ પણ વિચારમાં પડી ગયા કે વોર્નરે ક્યારે અલ્લૂ અર્જૂનની બાઈક અને ટ્રક ચલાવી હશે! જેમાં કોમેન્ટ કરીને ઘણા ફેન્સે કહ્યું કે વોર્નર તું પુષ્પા-2માં આવી જા. જેનો વોર્નરે પણ રસપ્રદ જવાબ આપ્યો છે.
The Champion, @DJBravo47 channels his inner 𝑷𝒖𝒔𝒉𝒑𝒂 🕺🏼 after sending Mahidul Islam Ankon back to the pavilion! 😍
— FanCode (@FanCode) January 25, 2022
Catch the West Indian legend in relentless #BBPL2022 action for just ₹5, LIVE on #FanCode 👉 https://t.co/OLCsbLuBGA#BPLonFanCode @alluarjun pic.twitter.com/kVlAlvI2x3
બ્રાવોનું વિકેટ સેલિબ્રેશન વાઈરલ
સોમવારે કોમિલ્લા વિક્ટોરિયંસ વિરૂદ્ધ મેચની 18મી ઓવરમાં બ્રાવો બોલિંગ કરવા આવ્યો હતો. જેના પાંચમા બોલ પર સામેની ટીમના બેટર મહિદુલ ઈસ્લામે લોફ્ટેડ શોટ માર્યો હતો પરંતુ સંપર્ક બરાબર ન થતા તે કેચઆઉટ થઈ ગયો હતો. તેવામાં આ વિકેટ લેતાની સાથે જ બ્રાવોએ અલ્લૂ અર્જૂનના શ્રીવલ્લી ડાન્સ સ્ટેપ મેદાન વચ્ચે કરવાનું જ શરૂ કરી દીધું હતું. તેના આ સ્ટેપનો વીડિયો અત્યારે સોશિયલ મીડિયામાં વાઈરલ થઈ રહ્યો છે.
વોર્નરે તો પુષ્પાના એક્શન વીડિયો શેર કર્યા
ઓસ્ટ્રેલિયન બેટર ડેવિડ વોર્નરે ઈન્સ્ટાગ્રામ પર પુષ્પાના વિવિધ સીનને એડિટ કરી તેમા પોતાનો ચહેરો ફિટ કરી વીડિયો શેર કર્યા છે. જેમાં તે પહેલા તો પોલીસના સંકજામાં ફસાઈ જાય છે પછી ત્યાંથી ટ્રેક ચલાવી લાલ ચંદનની તસ્કરી કરતો જોવા મળે છે. આ દરમિયાન પુષ્પાનો ફેમસ ડાયલોગ 'ફ્લાવર નહીં હે મેં, ફાયર હેં ફાયર' બોલી બંદૂકની ગોળી છોડતો હોય એ સીન કરતો પણ જોવા મળે છે.
આ વીડિયો શેર કર્યા પછી તેણે લખ્યું કે કાશ હું પણ અલ્લૂ અર્જૂનની જેમ એક્ટિંગ કરી શકતો હોત. આ એટલો સારો એક્ટર છે કે તેણે એક્ટિંગ તદ્દન સરળ બનાવી દીધી છે. જેના જવાબમાં ફેન્સે તેને કહ્યું કે વોર્નર તમે પણ ક્રિકેટ છોડી ઈન્ડિયન ફિલ્મ ઈન્ડસ્ટ્રીમાં આવી જાઓ. ઉલ્લેખનીય છે કે આ દરમિયાન વોર્નરે ઘણા ફેન્સના જવાબ આપ્યા હતા અને જણાવ્યું હતું કે ના મને એક્ટિંગ નથી આવડતી એટલે અત્યારે તો ઈચ્છા નથી.
View this post on Instagram
શ્રીવલ્લી સ્ટેપ સુરેશ રૈના અને બાંગ્લાદેશી ખેલાડી પર કરી ચૂક્યા છે
બાપુને 'પુષ્પા' ફિલ્મનો રંગ લાગ્યો...વિગતવાર માહિતી માટે અહીં ક્લિક કરો
ઈન્ડિયન ટીમના ઓલરાઉન્ડર રવીન્દ્ર જાડેજા અત્યારે અવારનવાર ફિલ્મી લુકમાં જોવા મળી રહ્યો છે. તેવામાં ફરી એકવાર જાડેજા પુષ્પાઃ ધ રાઈઝ ફિલ્મના એક્ટર અલ્લુ અર્જુનની જેમ દાઢી-મૂછને તાવ આપી અનોખા રૂપમાં તસવીર શેર કરી છે. તેવામાં બાપુની આ તસવીર ગણતરીની મિનિટોમાં સોશિયલ મીડિયામાં ધૂમ મચાવવા લાગી હતી. યૂઝર્સ આ તસવીરને જોઈને એવું કહેવા લાગ્યા કે રવીન્દ્ર જાડેજાને પુષ્પા-2ના બીજા ભાગમાં લીડ રોલ મળી જવો જોઈએ. તે અલ્લુ અર્જુનને સારી કોમ્પિટિશન આપી રહ્યા છે. તો બીજી બાજુ યુઝર્સે અવાર-નવાર ઈન્ડિયન સિનેમાની પોસ્ટ કરતા ઓસ્ટ્રેલિયન પ્લેયર ડેવિડ વોર્નરને પણ ચેતવણી આપી દીધી છે.
રવીન્દ્ર જાડેજા પુષ્પાઃ ધ રાઈઝના ફેન
છેલ્લા કેટલાક સમયથી સાઉથના સુપરસ્ટાર અલ્લુ અર્જુનની ફિલ્મ 'પુષ્પાઃ ધ રાઇઝ' સિનેમાઘરોમાં ધૂમ મચાવવાની સાથે લોકોમાં ખૂબ ચર્ચિત રહી છે. આ ફિલ્મે કમાણીના મામલામાં ઘણા રેકોર્ડ તોડ્યા છે. તેવામાં હવે આનો ફીવર સામાન્ય દર્શકોને જ નથી ચડ્યો પરંતુ ઓલરાઉન્ડર રવીન્દ્ર જાડેજા પણ તેના દીવાના બની ગયા છે. આ ફિલ્મ રિલીઝ થયાના ગણતરીના દિવસોમાં જ રવીંદ્ર જાડેજાએ અલ્લુ અર્જુન જેવી જ એક્ટિંગ કરતો વીડિયો શેર કર્યો હતો. જે ફેન્સને ઘણો પસંદ આવ્યો હતો. તેવામાં બુધવારે ફરી એકવાર રવીન્દ્ર જાડેજાએ દાઢી-મૂછને તાવ આપી અલ્લુ અર્જુનના લુકને પડકાર્યો છે.