ડ્રીમ સિટીનો 6 કરોડના ખર્ચે બનતો 4 માળ જેટલો ઊંચો પ્રવેશદ્વાર બનશે

ડાયમંડ જ્વેલરીની રિંગ જેવો મેઇન ગેટનો આકાર અપાયો

ડાયમંડ સિટી તરીકે વિશ્વમાં ખ્યાતી પામેલા સુરતમાં આકાર પામી રહેલા ડ્રીમ સિટી પ્રોજેક્ટ-હીરા બુર્સનો મુખ્ય પ્રવેશદ્વાર 6 કરોડ રૂપિયાના ખર્ચે તૈયાર થશે. બાંધકામના અંતિમ ચરણમાં આવી ગયેલા આ ગેટની ડિઝાઇન ડાયમંડ બુર્સને અનુરૂપ હીરા ઘસવા વપરાતી ‘કટોરી’ પર આધારીત તૈયાર કરવામાં આવી રહી છે. આ પ્રવેશદ્વારમાં અન્ય સુવિધાઓની સાથે સાથે આધુનિક શ્રેષ્ઠ સુરક્ષા પણ મળી રહે તે બાબતે વિશેષ ધ્યાન અપાયું છે.

સ્કાયડેકમાંથી મુલાકાતીઓ ડ્રીમ સિટી તથા હીરા બુર્સનાં બિલ્ડિંગ જોઈ શકશે

60 ,મીટર પહોળાઈ
15,મીટર ઊંચાઈ
67.10x 31.45 મીટરનો કુલ વિસ્તાર
6, કરોડ રૂ. કુલ ખર્ચ
વાહનો-મુલાકાતીઓનું ગેટ પર ડિજિટલ ચેકિંગ કરાશે.
ગેટની બંને તરફે મુલાકાતીઓ માટે લિફટ, વોશરૂમ
25 ફૂટ ઊંચાઈએ 71 મી. X 9 મી.ના સ્કાયડેક પર વિઝન માટે ફેબ્રિકેટેડ સ્ટીલ અને ગ્લાસની મોડર્ન આર્કિટેક્ચર ડિઝાઈનવાળી વ્યૂવિંગ ગેલેરી પણ હશે.
મુખ્ય પ્રવેશદ્વારનો ઉપયોગ મલ્ટિ પર્પઝ રીતે થઈ શકશે.
ગેટ ઉપર વિશાળ પહોળાઈમાં સ્કાયપેકનો વપરાશ ફૂડ કોર્ટ, કેફેટેરિયા, ટેલિસ્કોપ પોઈન્ટ, સિટિંગ એરિયા તથા સુરતની ઐતિહાસિક ઝાંખી દર્શાવતી ડિસપ્લે પણ હશે.
મુખ્ય પ્રવેશ દ્વાર પર બનાવાયેલા સ્કાયડેકનો આકાર ડાયમંડ જ્વેલરીના રિંગ સ્વરૂપે બનાવાયો છે.
આ સ્કાયડેકમાંથી મુલાકાતીઓ તથા ઓફિસ ઓનર્સ ડ્રીમ સિટી તેમજ ડાયમંડ બુર્સનાં બિલ્ડિંગો જોઈ શકશે.