રાજનીતિમાં જોડાવવાને લઇ સોનૂ સૂદે ખોલ્યા પત્તા, કરશે પાર્ટીની જાહેરાત

રાજનીતિમાં જોડાવવાને લઇ સોનૂ સૂદે ખોલ્યા પત્તા, કરશે પાર્ટીની જાહેરાત

• સોનૂ સૂદ કરશે રાજકારણમાં પ્રવેશ

• કેજરીવાલ સાથે મુલાકાત બાદ લગાવાય છે અટકળો

• આગામી 10 દિવસમાં કરશે પોતાની પાર્ટીની જાહેરાત

 

સોનૂ સૂદની દિલ્હીમાં કેજરીવાલ સાથેની મુલાકાત બાદથી તે રાજકારણમાં પ્રવેશ કરશે તેવી અટકળો લગાવવામાં આવી રહી છે. આ સાથે જ ફરી એકવાર આ ચર્ચાએ જોર પકડ્યું છે. ખરેખરમાં સોનુ સૂદે એક પ્રેસ કોન્ફરન્સમાં કહ્યું છે કે તેની બહેન માલવિકા અને તેનો પરિવાર આગામી થોડા દિવસોમાં ચૂંટણી રણનીતિ સાથે પાર્ટીની જાહેરાત કરશે. સોનુ સૂદ આગામી 10 દિવસમાં પોતાની પાર્ટીની જાહેરાત કરશે, તેની બહેન માલવિકાએ પંજાબ વિધાનસભાની ચૂંટણી લડવાની જાહેરાત કરી દીધી છે.

તેમની પ્રેસ કોન્ફરન્સ દરમિયાન સોનુ સૂદે કહ્યું કે તે મોગા (સોનુ સૂદનું જન્મસ્થળ) માટે કામ કરી રહ્યો છે અને કરતો રહેશે. સોનુએ હજુ સુધી જાહેરાત કરી નથી કે તે પોતાની પાર્ટી બનાવશે કે તેની બહેન કઈ પાર્ટીમાંથી ચૂંટણી લડશે. કોરોના સમયગાળા દરમિયાન, લોકોએ તેમનામાં એક એવા નેતાની છબી જોઈ જે લોકો માટે કામ કરે છે.

તેમણે લોકોને અપીલ પણ કરી કે સારા લોકોને મત આપો, જેથી દરેક પાર્ટી સારા લોકોને ટિકિટ આપે, તો જ દેશમાં પરિવર્તન આવશે. સોનુ સૂદ 4 જાન્યુઆરીએ જરૂરિયાતમંદ છોકરીઓ અને આશા વર્કરોને 1000 સાયકલનું વિતરણ પણ કરશે. તેઓ કહે છે કે જ્યારે તેઓ છોકરીઓને પગપાળા ભણવા જતા જુએ છે ત્યારે તેમને ખરાબ લાગે છે. ગયા મહિને સોનુ સૂદે પંજાબના વર્તમાન સીએમ ચરણજીત સિંહ ચન્ની સાથે મુલાકાત કરી હતી.

એક યુઝરે લખ્યું- સોનુ રાજકીય પક્ષમાં નહીં જોડાય, પરંતુ અપક્ષ તરીકે લડીને સીધો વડાપ્રધાન બનશે. #SonuSood છે કંઈ પણ કરી શકે છે. તેમના કારણે જ આજે આપણે જીવિત છીએ નહીંતર #Covid આપણને બીજી દુનિયામાં લઈ ગયો હોત. અન્ય એક યુઝરે લખ્યું- સોનુ સૂદ એક એવો વ્યક્તિ છે જે પોતાનું નહીં પણ બીજાનું સારું વિચારે છે. સોનુ સૂદ ભારતનો રત્ન છે.