મોંઘવારીનો બુસ્ટરડોઝ: જીવનજરૂરી વસ્તુઓ થઈ મોંઘી

• દહીં, લસ્સી, ચોખા, છાશ પર 5% GST લાગૂ
• પેકિંગ વાળા ચોખા, ઘઉં, લોટ પર GST લાગૂ
• LED લાઈટ્સ અને લેમ્પ પર GST 12થી વધારી 18%

18 જુલાઈથી એટલે કે આજથી GST કાઉન્સિલના નિર્ણયના અમલ બાદ ઘણી ખાદ્ય ચીજો મોંઘી થઈ જશે. તેમાં લોટ, પનીર અને દહીં જેવી પ્રી-પેકેજ અને લેબલવાળી ખાદ્ય વસ્તુઓનો સમાવેશ થાય છે, જેના પર 5 ટકા GST લાગશે. હવે 5,000 રૂપિયાથી વધુ ભાડાવાળા હોસ્પિટલના રૂમ પર પણ GST ચૂકવવો પડશે. આ સિવાય 1,000 રૂપિયા પ્રતિ દિવસથી ઓછા ભાડાની હોટેલ રૂમ પર 12 ટકાના દરે ટેક્સ વસૂલવાની જોગવાઈ કરવામાં આવી છે. અત્યાર સુધી તેના પર કોઈ ટેક્સ લાગતો નહોતો.

આ ફેરફારો આજથી અમલમાં આવ્યા

કેન્દ્રીય નાણામંત્રી નિર્મલા સીતારમણની અધ્યક્ષતામાં મળેલી GST કાઉન્સિલની જૂનના છેલ્લા સપ્તાહમાં મળેલી બેઠકમાં પેકેજ્ડ અને લેબલવાળી (ફ્રોઝન સિવાય) માછલી, દહીં, પનીર, લસ્સી, મધ, સૂકા મખાના, સૂકા સોયાબીન, વટાણા જેવી પ્રોડક્ટસનો સમાવેશ કરવામાં આવ્યો હતો. ઘઉં અને અન્ય અનાજ અને ચોખા પર પાંચ ટકા GST વસૂલવાનો નિર્ણય લેવાયો હતો. આ ફેરફાર આજથી અમલી બન્યો છે.

ઇલેક્ટ્રિક વાહનો પર 5 ટકા GST

બાગડોગરાથી ઉત્તર-પૂર્વીય રાજ્યોની હવાઈ મુસાફરી પર GST મુક્તિ હવે 'ઇકોનોમી' કલાસ સુધી મર્યાદિત રહેશે. RBI, ઈન્સ્યોરન્સ રેગ્યુલેટરી એન્ડ ડેવલપમેન્ટ ઓથોરિટી, સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા જેવા રેગ્યુલેટરની સર્વિસીસ સાથે રેસિડેન્શિયલ હાઉસ બિઝનેસ યુનિટ આપવાથી ટેક્સ લાગશે. બેટરીવાળા કે વગરના ઇલેક્ટ્રિક વાહનો પર રાહત 5% GST ચાલુ રહેશે.

કોના ભાવ વધ્યા?

પેક્ડ માછલી, દહીં, પનીર, લસ્સી, મધ, સૂકા મખાના, સૂકા સોયાબીન અને વટાણા વગેરે જેવી પ્રોડક્ટસ. આના પર હવે 5% GST લાગશે.

ચેક રજૂ કરવા માટે બેંકો દ્વારા લેવામાં આવતી ફી પર 18% GST વસૂલવામાં આવશે.

એટલાસ સહિતના નકશા અને ચાર્ટ પર 12 ટકા જીએસટી લાગશે.

1,000 રૂપિયા પ્રતિ દિવસથી ઓછા ભાડાની હોટેલ રૂમ પર 12 ટકા GST.

હોસ્પિટલમાં 5,000 રૂપિયાથી વધુ ભાડાના રૂમ પર 5 ટકા GST વસૂલવામાં આવશે.

પ્રિન્ટિંગ/ડ્રોઈંગ ઈંક, ધારદાર છરી, પેપર કટીંગ નાઈફ અને પેન્સિલ શાર્પનર, એલઈડી લેમ્પ, ડ્રોઈંગ અને માર્કિંગ પ્રોડક્ટ્સ પર GST વધારીને 18 ટકા કરવામાં આવ્યો છે.

સોલાર વોટર હીટર પર હવે 12 ટકા જીએસટી લાગશે, જે પહેલા 5 ટકા હતો.

રોડ, બ્રિજ, રેલ્વે, મેટ્રો, વેસ્ટ ટ્રીટમેન્ટ પ્લાન્ટ અને સ્મશાનગૃહ માટે રજૂ કરાયેલા કોન્ટ્રાક્ટ પર હવે 18 ટકા GST લાગશે. તેના પર અત્યાર સુધી 12 ટકા જીએસટી હતો.

કઈ વસ્તુઓ સસ્તી થશે?

રોપવેથી વસ્તુઓ અને પેસેન્જરના પરિવહન તેમજ અવશિષ્ટ નિકાસી સર્જરી સાથે જોડાયેલા સાધનો પર GST 12 ટકાથી ઘટાડીને 5 ટકા કરવામાં આવ્યો છે.

ઇંધણ ખર્ચ સહિત માલસામાનના પરિવહન માટે વપરાતા ટ્રક, વાહનો પર હવે 18 ટકાના બદલે 12 ��કા જીએસટી લાગશે.

કેટલાક ઓર્થોપેડિક લાઇન્સ અપમાં GST 12 ટકાથી ઘટાડીને 5 ટકા કરાયો.