INDvAUS: ઓસ્ટ્રેલિયા 9 વિકેટે ઈન્દોર ટેસ્ટ મેચ જીત્યું, અઢી દિવસમાં મેચ ખતમ

• ભારત અને ઓસ્ટ્રેલિયા વચ્ચે ચાલી રહેલી ત્રીજી ટેસ્ટ મેચનો આજે ત્રીજો દિવસ
• ચેતેશ્વર પુજારા સિવાય અન્ય કોઈ બેટર બીજી ઈનિંગમાં કંઈ ખાસ કરી શક્યા ન હતા
• રવીન્દ્ર જાડેજા અને આર અશ્વિન ટર્નિંગ વિકેટ પર કાંગારૂઓને મુશ્કેલીમાં મૂકી શકે છે

ઓસ્ટ્રેલિયાએ ત્રીજી ટેસ્ટ મેચમાં ભારતને 9 વિકેટે હરાવ્યું. જીત માટે 76 રનના લક્ષ્યાંકનો પીછો કરવા ઉતરેલી ઓસ્ટ્રેલિયન ટીમ ત્રીજા દિવસના પહેલા સેશનમાં જ શાનદાર જીત નોંધાવવામાં સફળ રહી હતી. આ ટેસ્ટ મેચ માત્ર અઢી દિવસમાં સમાપ્ત થઈ ગઈ. હાર છતાં ભારતીય ટીમ 4 મેચની સીરિઝમાં 2-1થી આગળ છે. ટીમ ઈન્ડિયાને આ મેચ જીતવા માટે ઐતિહાસિક પ્રદર્શનની જરૂર હતી. ટેસ્ટ ક્રિકેટના ઈતિહાસમાં આવું પહેલા ક્યારેય બન્યું નથી જ્યારે કોઈ ટીમે આટલા નાના સ્કોરનો બચાવ કર્યો હોય. આવી સ્થિતિમાં ટીમ ઈન્ડિયાએ જીત માટે ચમત્કાર કરવો પડ્યો. પરંતુ ટીમ ઈન્ડિયા ઈતિહાસ રચવાથી ચૂકી ગઈ.

ઓસ્ટ્રેલિયાએ ભારતને 9 વિકેટે હરાવ્યું

 

ઓસ્ટ્રેલિયાએ ભારતને 9 વિકેટે હરાવ્યું છે. આ જીત છતાં કાંગારૂ ટીમ 4 મેચની ટેસ્ટ સીરિઝમાં 1-2થી પાછળ છે. ભારતે આપેલા 76 રનના લક્ષ્યાંકનો પીછો કરવા ઉતરેલી કાંગારૂ ટીમે 1 વિકેટે 78 રન બનાવ્યા હતા. ટ્રેવિસ હેડ 49 રન બનાવીને અણનમ પાછો ફર્યો હતો જ્યારે લાબુશેન 28 રન બનાવીને અણનમ પાછો ફર્યો હતો.

અશ્વિનને પહેલી સફળતા મળી, ખ્વાજા આઉટ

આર. અશ્વિને ત્રીજા દિવસે બીજા જ બોલમાં ભારતને મોટી સફળતા અપાવી. ઓપનર ઉસ્માન ખ્વાજા વિકેટકીપર કેએસ ભરતને કેચ આપીને ચાલતો રહ્યો. ખ્વાજા ખાતું પણ ખોલી શક્યો ન હતો. ભારતને હવે જીતવા માટે 9 વિકેટની જરૂર છે જ્યારે ઓસ્ટ્રેલિયાને 76 રનની જરૂર છે.

ત્રીજા દિવસની રમત શરૂ

 

ઇન્દોર ટેસ્ટ મેચના ત્રીજા દિવસે શરૂ થયું છે. ઉસ્માન ખ્વાજા અને ટ્રેવિસ હેડ ઇનિંગની શરૂઆત કરવા મેદાનમાં ઉતર્યા છે. આર. અશ્વિન ભારત માટે બોલિંગની શરૂઆત કરવા આવ્યો છે.

ઓસ્ટ્રેલિયા સામે 76 રનનો ટાર્ગેટ છે

ભારતની બીજી ઈનિંગ 163 રનમાં સમેટાઈ ગઈ. ઓસ્ટ્રેલિયાને પહેલી ઈનિંગમાં 88 રનની લીડ મળી હતી. પહેલી ઈનિંગમાં 109 રન બનાવનાર ટીમ ઈન્ડિયાએ મહેમાન ઓસ્ટ્રેલિયા સામે 76 રનનો લક્ષ્યાંક રાખ્યો છે. મેચના ત્રીજા દિવસે ભારતીય બોલરોએ ચમત્કાર કરવો પડશે. રવીન્દ્ર જાડેજા અને આર અશ્વિન ટર્નિંગ વિકેટ પર કાંગારૂઓને મુશ્કેલીમાં મૂકી શકે છે.

 

કેપ્ટન રોહિત શર્મા ટીમ ઈન્ડિયામાં ઉત્સાહ ભરતો જોવા મળ્યો હતો

ત્રીજા દિવસની રમતની શરૂઆત પહેલા, કેપ્ટન રોહિત શર્મા સાથી ખેલાડીઓને ઉત્સાહિત કરતો જોવા મળ્યો હતો. ત્રીજા દિવસની રમત શરૂ થવાના થોડા સમય પહેલા બીસીસીઆઈએ સોશિયલ મીડિયા પર એક વીડિયો શેર કર્યો હતો જેમાં રોહિત ટીમ ઈન્ડિયાના ખેલાડીઓ સાથે વાત કરતો જોવા મળ્યો હતો.