ટીમ ઇન્ડિયાએ વનડે સીરીઝમાં WIના સૂપડા કર્યા સાફ, ગિલ જીતનો હીરો

• ટીમ ઇન્ડિયાએ WIને ધોઇ નાંખ્યું, હેટ્રિક જીત સાથે ક્લીન સ્વીપ વનડે સીરીઝ
• વરસાદના લીધે મેચનું પરિણામ ડકવર્થ લુઇસ નિયમ પર આવ્યું
• યજમાન ટીમ 26 ઓવરમાં 137 રનમાં ઓલઆઉટ

ભારતે વેસ્ટ ઈન્ડિઝ સામેની વનડે શ્રેણીની ત્રીજી મેચ 119 રને જીતી લીધી છે. વરસાદથી પ્રભાવિત આ મેચનું પરિણામ ડકવર્થ લુઈસ નિયમ પર આધારિત હતું. ભારતીય કેપ્ટન શિખર ધવને ટોસ જીતીને પ્રથમ બેટિંગ કરવાનો નિર્ણય કર્યો હતો. ભારતની ઇનિંગ્સ દરમિયાન બે વખત વરસાદ પડ્યો હતો. ભારતે 36 ઓવરમાં 3 વિકેટે 225 રન બનાવ્યા હતા. વેસ્ટ ઈન્ડિઝ સામે ડકવર્થ લુઈસ નિયસ હેઠળ 35 ઓવરમાં 257 રનનો ટાર્ગેટ આપવામાં આવ્યો હતો. યજમાન ટીમ 26 ઓવરમાં 137 રનમાં ઓલઆઉટ થઈ ગઈ હતી.

ગિલ સદી ચૂકી ગયો

 

 

 

 

ઓપનર શિખર ધવન અને શુભમન ગીલે ભારતને સારી શરૂઆત અપાવી હતી. બંને વચ્ચે પ્રથમ વિકેટ માટે 113 રનની ભાગીદારી થઈ હતી. કેપ્ટન ધવન 74 બોલમાં 58 રન બનાવીને આઉટ થયો હતો. તે બહાર નીકળ્યા પછી તરત જ વરસાદ પડ્યો. જ્યારે રમત ફરી શરૂ થઈ ત્યારે તેને 40 ઓવરની કરવામાં આવી હતી. શુભમન ગિલ અને શ્રેયસ અય્યરે (44) ઝડપી રન બનાવ્યા હતા. 86 રનની ભાગીદારી બાદ અય્યર 199 રન બનાવીને આઉટ થયો હતો. સૂર્યકુમાર યાદવ (8) ફરી એકવાર નિષ્ફળ રહ્યો હતો. ગિલ 98 રન પર રમી રહ્યો હતો અને જ્યારે વરસાદ આવ્યો ત્યારે તે પ્રથમ સદી ફટકારવાનો હતો. આ સમયે ભારતનો સ્કોર 36 ઓવરમાં 3 વિકેટે 225 રન હતો.

 

 

 

 

વરસાદના કારણે ભારતની બેટિંગ આવી ન હતી. વરસાદ બંધ થયા બાદ વેસ્ટ ઈન્ડિઝને ડ���વર્થ લુઈસ નિયમ મુજબ 35 ઓવરમાં 257 રનનો ટાર્ગેટ મળ્યો હતો. શુભમન ગિલ 98 બોલમાં 7 ચોગ્ગા અને 2 છગ્ગાની મદદથી અણનમ રહ્યો હતો. સેમસને 6 રન બનાવ્યા હતા. વેસ્ટ ઈન્ડિઝ તરફથી હેડન વોલ્શે બે બેટ્સમેનોને આઉટ કર્યા હતા.

યજમાન મેચમાં દેખાયા જ નહીં

મોહમ્મદ સિરાજે બીજી ઓવરમાં જ કાયલ મેયર્સ (0) અને શમરાહ બ્રૂક્સ (0)ને આઉટ કરીને વેસ્ટ ઈન્ડિઝની શરૂઆત બગાડી હતી. કેપ્ટન પૂરન અને બ્રેડન કિંગે 42 રનની ઈનિંગ્સ રમી હતી પરંતુ અન્ય કોઈ બેટ્સમેને તેમનો સાથ આપ્યો ન હતો. 26મી ઓવરમાં યજમાન ટીમનો દાવ 137 રનમાં સમેટાઈ ગયો હતો. ભારત તરફથી લેગ સ્પિનર યુઝવેન્દ્ર ચહલે 4 વિકેટ ઝડપી હતી. શાર્દુલ ઠાકુર અને મોહમ્મદ સિરાજને 2-2 વિકેટ મળી હતી. ત્રણેય મેચમાં અડધી સદી ફટકારવા બદલ ગિલને પ્લેયર ઓફ ધ સિરીઝ જાહેર કરવામાં આવ્યો હતો.