ટીમ ઇન્ડિયાની લાઇફલાઇન પુજારા ડક આઉટ, શરમજનક લિસ્ટમાં નામ ઉમેરાયું

દિલ્હી ટેસ્ટ મેચ ચેતેશ્વર પૂજારાની કારકિર્દી માટે ખૂબ જ ખાસ
મેદાનમાં આવતા જ પૂજારાનું ફેન્સે ઉમળકાભેર સ્વાગત કર્યું
પુજારા પહેલી ઇનિંગમાં થોડો કમનસીબ સાબિત થયો હતો

ભારત અને ઓસ્ટ્રેલિયા વચ્ચે ચાલી રહેલી દિલ્હી ટેસ્ટ મેચ ચેતેશ્વર પૂજારાની કારકિર્દી માટે ખૂબ જ ખાસ છે. અરુણ જેટલી સ્ટેડિયમમાં ચેતેશ્વર પુજારા પાસેથી મોટી ઇનિંગની અપેક્ષા હતી, પરંતુ તે લાઈફલાઈન હોવા છતાં ખાતું ખોલવામાં નિષ્ફળ રહ્યો હતો. તેને ઓસ્ટ્રેલિયાના સ્પિનર નાથન લિયોને LBW આઉટ કર્યો હતો. તેણે 7 બોલનો સામનો કર્યો. તેથી તે પહેલી ઇનિંગમાં થોડો કમનસીબ હતો. હવે જોવાનું એ રહેશે કે તે બીજી ઇનિંગમાં કેવું પ્રદર્શન કરે છે. નાથન લિયોને 17 રનના અંગત સ્કોર પર 18મી ઓવરના પહેલા બોલ પર કેએલ રાહુલને એલબીડબલ્યુ આઉટ કર્યો હતો. આ પછી મેદાનમાં આવેલા ચેતેશ્વર પૂજારાનું ફેન્સે ઉમળકાભેર સ્વાગત કર્યું હતું. જોકે, તે બીજા બોલ પર જ બચી ગયો હતો. તે લાયનના બોલ પર તે બચી અને બોલ પેડ સાથે અથડાયો. અહીં ઓસ્ટ્રેલિયાએ રિવ્યૂ ન લીધો અને પૂજારાને જીવનદાન મળ્યું. વાસ્તવમાં ટીવી રિપ્લેમાં બોલ લેગ સ્ટમ્પ સાથે અથડાતો જોવા મળ્યો હતો.

100મી ટેસ્ટમાં શૂન્ય પર આઉટ થયેલા બેટ્સમેન

દિલીપ વેંગસરકર vs NZ (1988)
એલન બોર્ડર vs WI (1988)
કર્ટની વોલ્શ vs ENG (1998)
માર્ક ટેલર vs ENG (1998)
સ્ટીફન ફ્લેમિંગ vs SA (2006)
એલિસ્ટર કૂક vs AUS (2013)
બ્રેન્ડન મેક્કુલમ vs AUS (2016)
ચેતેશ્વર પૂજારા vs AUS (2023)

જોકે, ઓસ્ટ્રેલિયાએ 19મી ઓવરમાં આ ભૂલ સુધારી લીધી હતી. લાયને પહેલા ઓવરના બીજા બોલમાં રોહિત શર્માને ક્લીન બોલ્ડ કર્યો અને પછી ચોથા બોલ પર પુજારા સામે સફળ ડીઆરએસ લીધો. કેપ્ટન રોહિત 69 બોલમાં બે ચોગ્ગાની મદદથી 32 રન બનાવીને આઉટ થયો હતો, જ્યારે પૂજારા ખાતું પણ ખોલી શક્યો નહોતો. આ રીતે, તે 100મી ટેસ્ટમાં ડક આઉટનો અનિચ્છનીય રેકોર્ડ બની ગયો.

અગાઉ, મોહમ્મદ શમીએ 60 રન આપીને 4 વિકેટ લીધી હતી જ્યારે આર. અશ્વિન (3/57) અને રવીન્દ્ર જાડેજા (3/68)ની હિટ-સ્પિન જોડીએ ફરી એકવાર ઓસ્ટ્રેલિયન બેટ્સમેન પર હાવિ થયા હતા અને 3-3 વિકેટ લઈને મહેમાનોને સ્પિનનો ખોફ બતાવ્યો હતો. પરિણામે પહેલા બેટિંગ કરવાની તક મળવા છતાં ઓસ્ટ્રેલિયન ટીમની ઇનિંગ 78.4 ઓવર સુધી જ સીમિત રહી હતી. જોકે, તેઓ ઓલઆઉટ થતા પહેલા ઉસ્માન ખ્વાજા (81) અને પીટર હેન્ડ્સકોમ્બ (72*)ની લડાયક ઇનિંગ્સને કારણે બોર્ડ પર કુલ 263 રન બનાવીને થોડી પ્રતિષ્ઠા બચાવવામાં સફળ રહ્યા હતા.