ભારતના આ ઉદ્યોગપતિઓ દર વર્ષે દાન કરે છે કરોડોની સંપત્તિ, જાણો લિસ્ટ

• 2022માં 15 ભારતીયોએ 100 કરોડ રૂપિયાથી વધારેનું દાન કર્યું
• 20 લોકોએ 2022માં 50 કરોડથી વધુ સંપત્તિ દાનમાં આપી
• રતન ટાટા, અઝીમ પ્રેમજી, મુકેશ અંબાણી, ગૌતમ અદાણી પણ સામેલ

ભારતમાં અનેક બિઝનેસમેન છે જે તેમની કમાણીનો મોટો ભાગ પરોપકારના કામમાં ખર્ચ કરે છે. એવામાં ફોર્બ્સ દર વર્ષે દુનિયાભરના દાનવીરોનું એક લિસ્ટ જાહેર કરે છે. તેમાં મોટી સંખ્યામાં ભારતીય ઉદ્યોગપતિઓના નામ સામેલ છે. વર્ષ 2022માં કુલ એવા 15 ભારતીયો છે જેઓએ આ વર્ષે 100 કરોડ રૂપિયાથી વધારેનું દાન કર્યું છે. તો 20 લોકો એવા છે જેઓએ વર્ષ 2022માં 50 કરોડ રૂપિયાથી વધારેનું દાન કર્યું છે. આજે જાણો દેશના એવા ઉદ્યોગપતિઓને વિશે જે તમારી સંપત્તિનો મોટો હિસ્સો દાન કરે છે.

શિવ નાદર

દેશના દિગ્ગજ બિઝનેસમેન અને એચસીએલ ટેક્નોલોજી લિમિટેડના ફાઉન્ડર શિવ નાદર દેશના મોટા દાનવીરોમાં એક છે. તે દર વર્ષે કરોડોની સંપત્તિ દાનમાં આપે છે. તે શિવ નાદર ફાઉન્ડેશન નામની સંસ્થા ચલાવે છે જે સમાજના ગરીબ અને વંચિતોને માટે કામ કરે છે. 2022 સુધી તેઓએ કુલ 1161 કરોડ રૂપિયા દાનમાં આપ્યા છે. આ રૂપિયાનો શિક્ષણના ક્ષેત્રમાં ઉપયોગ કરાય છે. તે દર 3 દિવસે 3 કરોડ રૂપિયાનું દાન કરે છે.

રતન ટાટા

રતન ટાટાનું નામ ભારતના દાનવીરોના લિસ્ટમાં આવે છે. તે પોતાની સંપત્તિનો મોટો ભાગ દાનમાં આપે છે. 1919માં 80 લાખ રૂપિયાથી રતન ટાટાએ ટ્રસ્ટની સ્થાપના કરી હતી. આ દેશનું સૌથી જૂનું ફાઉન્ડેશન છે જે દર વર્ષે મોટી રકમ દાનમાં આપે છે.

અઝીમ પ્રેમજી

વિપ્રોના અઝીમ પ્રેમજીનું નામ ભારતના સૌથી મોટા દાનવીરોમાં આવે છે. તેઓએ વર્ષ 2022માં કુલ 484 કરોડ રૂપિયાનું દાન કર્યું હતું. મળતી માહિતી અનુસાર અઝીમ પ્રેમજી ફાઉન્ડેશનની મદદથી અત્યારસુધીમાં કુલ 1737.47 કરોડ રૂપિયા દાનમાં આપી ચૂક્યા છે.

મુકેશ અંબાણી

રિલાયન્સ ઈન્ડસ્ટ્રીના ચેરમેન મુકેશ અંબાણીનું નામ પણ દાનવીરોના લિસ્ટમાં સામેલ છે. ફોર્બ્સના આધારે વર્ષ 2022માં મુકેશ અંબાણીએ કુલ 411 કરોડ રૂપિયા દાન કર્યા હતા. તેમાં વધારે રૂપિયા શિક્ષણ માટે ખર્ચ કરાયા હતા.

કુમાર મંગલમ બિરલા

આદિત્ય બિરલા ગ્રૂપના માલિક કુમાર મંગલમ બિરલાનું નામ પણ દાનવીરોના લિસ્ટમાં સામેલ છે. તેઓએ 2022માં કુલ 242 કરોડ રૂપિયાનું દાન કર્યું હતું.

ગૌતમ અદાણી

અદાણી ગ્રૂપના માલિક ગૌતમ અદાણીએ વર્ષ 2022માં કુલ 190 કરોડ રૂપિયા દાન કર્યા છે. તેઓએ 60મા જન્મદિવસે તેઓએ સંકલ્પ કર્યો છે કે તે કુલ 60,000 કરોડ રૂપિયાનું દાન આપશે.