વિદેશમાં ભણવાનું સપનું જોતા યુવાનોને મળશે સરળતાથી એજ્યુકેશન લોન, જાણો કેવી રીતે?

• વિદેશમાં અભ્યાસ કરવામાં ભારના વિદ્યાર્થીઓ સૌથી વધું
• એજ્યુકેશન લોન મેળવવા માંગતા વિદ્યાર્થીઓને મદદ કરવા માટે IDP એજ્યુકેશન
•  IDP એજ્યુકેશન વિદ્યાર્થીઓ આગળના અભ્યાસ માટે જઈ શકે છે વિદેશ

વિદેશમાં ભણવાનું સપનું જોતા યુવાનો માટે સ્ટેટ બેંક ઓફ ઈન્ડિયા એક મોટા ખુશખબર લઈને આવી છે. બેંકે યુવાનોને અભ્યાસ માટે વિદેશ મોકલવાની સમસ્યાનો ઉકેલ શોધી કાઢ્યો છે. સ્ટેટ બેંક ઓફ ઈન્ડિયાએ વિદેશમાં ભણવા માટે એજ્યુકેશન લોન મેળવવા માંગતા વિદ્યાર્થીઓને મદદ કરવા માટે IDP એજ્યુકેશન, આંતરરાષ્ટ્રીય શિક્ષણ સેવા સાથે હાથ મિલાવ્યા છે. જ્યાં વિદ્યાર્થીઓ આગળના અભ્યાસ માટે વિદેશ જઈ શકે છે.

 IDP એજ્યુકેશન શું છે?

ભારતીય સ્ટેટ બેંકે વિદ્યાર્થીઓને મદદ કરવા માટે IDP એજ્યુકેશન, આંતરરાષ્ટ્રીય શિક્ષણ સેવા સાથે ભાગીદારી કરી છે. જેનો ઉદ્દેશ IDP એજ્યુકેશન અને સ્ટેટ બેંક ઓફ ઈન્ડિયાના કાર્યનો ફેલાવો કરવાનો છે અને વિદેશમાં શિક્ષણ મેળવવા ઈચ્છતા વિદ્યાર્થીઓને આર્થિક સહાય આપીને તેમની મુસાફરીને સરળ બનાવવાનો છે.IDP પહેલાથી જ ICICI બેંક અને HDFC Credila સાથે પણ ભાગીદારી કરી ચૂકી છે. SBI સાથે, IDP વિદ્યાર્થીઓ પાસે હવે એજ્યુકેશન ફંડિંગ સેક્ટરના ખેલાડીઓ પાસેથી એજ્યુકેશન લોન સહાય માટે પસંદગી માટે અનેક વિકલ્પો હશે.

આ કરાર દેશના તમામ વિદેશી શિક્ષણ ઉમેદવારોને મદદ કરશે

આ કરાર પર, IDP એજ્યુકેશનના પ્રાદેશિક નિર્દેશક પીયૂષ કુમારે જણાવ્યું હતું કે દેશની સૌથી વિશ્વસનીય અને સૌથી જૂની બેંક, સ્ટેટ બેંક ઓફ ઈન્ડિયા સાથે ભાગીદારી કરવામાં અમને ગર્વ છે. આ કરાર દેશના તમામ વિદેશી શિક્ષણ ઉમેદવારોને ઉત્તમ સેવાઓ પ્રદાન કરવાના અમારા પ્રયાસોને પ્રતિબિંબિત કરે છે. SBIના ડેપ્યુટી જનરલ મેનેજર (વ્યક્તિગત લોન) પંકજ કુમાર ઝાએ કરાર પર હસ્તાક્ષર કર્યા હતા. આ પ્રસંગે ચીફ જનરલ મેનેજર (પર્સનલ બેંકિંગ) જન્મેજય મોહંતી ઉપસ્થિત રહ્યા હતા. સુમન લતા ગુપ્તા, જનરલ મેનેજર (રિટેલ એસેટ-પર્સનલ બેંકિંગ) અને એસબીઆઈના અન્ય લોકો પણ હાજર હતા.