Omicronને લઈને ચોંકાવનારો રિપોર્ટ, હવામાં પણ ફેલાતો હોવાની થઈ પૂષ્ટી

Omicron ને લઈને ચોંકાવનારો ખુલાસો થયો
આ વેરિએન્ટ હવામાં પણ ફેલાય છે
આ ચેપ હવા દ્વારા પણ ફેલાય છે
હોંગકોંગમાં થયેલા એક અભ્યાસમાં થયો ખુલાસો

કોરોનાવાયરસના નવા વેરિએન્ટ Omicron ના ગભરાટ વચ્ચે વધુ એક ચોંકાવનારી માહિતી સામે આવી છે. એક અભ્યાસ મુજબ હાલમાં વિશ્વભરમાં તણાવ છે. હોંગકોંગની એક હોટલમાં ક્વોરેન્ટાઇનમાં હોવા છતાં બે દર્દીઓમાં ઓમિક્રોન ચેપ ફેલાયો છે. હોટલની સામેના રૂમમાં રહેતા બે મુસાફરોને ઓમિક્રોન વેરિઅન્ટથી ચેપ લાગ્યો હોવાની પુષ્ટિ થઈ છે. અહીં ચિંતાની વાત એ છે કે બંને વ્યક્તિઓએ કોરોનાની રસીના ડોઝ લઈ લીધા હતા.

ઓમિક્રોનનું સંક્રમણ હવા દ્વારા પણ ફેલાય છે

એવો દાવો કરવામાં આવી રહ્યો છે કે ઓમિક્રોનનું સંક્રમણ હવા દ્વારા પણ ફેલાય છે અને તેના કારણે જ બંને વ્યક્તિઓ ઓમિક્રોનથી સંક્રમિત થયા છે. તેના પરથી ખ્યાલ આવે છે કે કોરોનાનો આ વેરિએન્ટ વિશ્વ માટે મોટું ચિંતાનું કારણ બનશે.

બંને સંક્રમિત દર્દીઓએ કોરોના રસી પણ લઈ લીધી છે

ઇમર્જિંગ ઇન્ફેકશિયસ ડિસીઝ નામની જર્નલમાં પ્રકાશિત થયેલા અભ્યાસ મુજબ ક્વોરેન્ટાઇન હોટલમાં બે દર્દીઓ કે જેમાં ઓમિક્રોનની પુષ્ટિ થઈ હતી તે બંનેએ સંપૂર્ણપણે રસી લીધી હતી. આ અભ્યાસે બે રૂમ વચ્ચે ઓમિક્રોન વેરિઅન્ટના એર ટ્રાન્સમિશન દ્વારા વાયરસના ઝડપી ફેલાવા અંગે આરોગ્ય નિષ્ણાતો દ્વારા ઉઠાવવામાં આવેલી ચિંતાઓની પુષ્ટિ કરી છે. અભ્યાસ મુજબ દર્દી(A) 13 નવેમ્બરના રોજ કોરોના પોઝિટિવ હોવાનું જણાયું હતું, જેમાં કોઈ લક્ષણો નહોતા. આ પછી તેને હોસ્પિટલમાં દાખલ કરવામાં આવ્યો અને તેને આઈસોલેટ કરવામાં આવ્યો. જ્યારે દર્દી(B)માં 17 નવેમ્બરે હળવા લક્ષણો જણાયા હતા અને તે SARS-Cov-2 પોઝિટિવ હોવાનું જણાયું હતું.

આ ચેપ હવા દ્વારા પણ ફેલાય છે

ઇમર્જિંગ ઇન્ફેકશિયસ ડિસીઝ જર્નલમાં શુક્રવારે પ્રકાશિત થયેલા અભ્યાસમાં હોંગકોંગ યુનિવર્સિટીના સંશોધકોએ જણાવ્યું હતું કે સીસીટીવી કેમેરા ફૂટેજ દર્શાવે છે કે ન તો બે દર્દીઓએ તેમનો રૂમ છોડ્યો હતો કે ન તો કોઈ સંપર્ક હતો. દરવાજા ફક્ત ખોરાક લેવા અથવા કોરોના ટેસ્ટ માટે જ ખોલવામાં આવ્યા હતા. જેના પરથી જાણવા મળે છે કે આ ચેપ હવા દ્વારા પણ ફેલાય છે. અભ્યાસમાં કહેવામાં આવ્યું છે કે દરવાજો ખોલવાને કારણે ઓમિક્રોનના વાયરસ હવામાં એકથી બીજામાં પસાર થયા હશે. કોરિડોરમાં એરબોર્ન ટ્રાન્સમિશનને કારણે વાયરસ ફેલાયો હતો.