રણબીર-આલિયાના પ્રી-વેડિંગ ફંકશનમાં કરીના-કરિશ્મા સહિત કપૂર પરિવાર પહોંચ્યો

સુરતના જ્વેલરે વેડિંગ ગિફ્ટમાં ગોલ્ડપ્લેટેડ બુકે આપ્યું
પંજાબી લોકગીતો સાથે મહેંદી સેરેમની પૂર્ણ થઇ
આલિયાના કાકા અને રણબીરના મોટા પપ્પાને લગ્નમાં આમંત્રિત ન કરાયાની ચર્ચા

રણબીર કપૂર અને આલિયા ભટ્ટના લગ્નની વિધિ કાલે થઇ. 13 એપ્રિલથી બંનેના પ્રી-વેડિંગ સેલિબ્રેશન શરૂ થઇ ગયાં. ગઇકાલે સૌ પહેલાં રણબીર કપૂરના વાસ્તુ એપાર્ટમેન્ટમાં ગણેશજીની પૂજા કરવામાં આવી. બંને 28 મહેમાનોની હાજરીમાં જ લગ્ન કરશે. રણબીર કપૂર પોતાની ભાવિ પત્નીને સ્પેશિયલ ગિફ્ટ પણ આપવાનો છે. સોશિયલ મીડિયા પર રણબીર-આલિયાના પ્રી-વેડિંગમાં આવેલા તમામના ફોટોઝ વાઇરલ થયા હતા.

સ્ટાફ મેમ્બર્સના મોબાઇલ પર સ્ટિકર લગાવવામાં આવ્યા

રણબીર-આલિયાના પ્રી-વેડિંગ ફંકશન હોવાથી વાસ્તુ બિલ્ડિંગની સિક્યોરિટી એકદમ ટાઇટ જોવા મળી હતી. આલિયાના સિક્યોરિટી હેડ યુસુફભાઇની સિક્યોરિટી એજન્સીના ખભા પર સુરક્ષાની જવાબદારી છે. 200થી વધુ બાઉન્સર્સ સુરક્ષા માટે ફાળવવામાં આવ્યા છે. ફોટો અને વીડિયો લીક ના થાય એ માટે સ્ટાફ મેમ્બર્સના મોબાઇલ પર સ્ટિકર લગાવવામાં આવ્યા છે. આ દરમિયાન ડીસીપી મંજુનાથ શિંગેએ કહ્યું કે, અમને કપૂર પરિવારે આ પ્રાઇવેટ સેરેમની અંગે માહિતી આપી હતી અને તેથી જ કેટલાક કોન્સ્ટેબલ ત્યાં મૂકવામાં આવ્યા છે. આ પ્રાઇવેટ સેરેમની છે પરંતુ મીડિયા તથા સેલેબ્સ સામેલ છે એટલે કપૂર પરિવારે વિનંતી કરી હતી કે ત્યાં પોલીસ વ્યવસ્થા કરવામાં આવે.

રણબીર આલિયાએ સ્પેશિયલ વચનો લખી રાખ્યાં છે

રણબીર કપૂર તથા આલિયા ભટ્ટ પરંપરાગત સાત વચનની આપ-લે લગ્ન દરમિયાન કરશે નહીં. તેમણે એકબીજા માટે સ્પેશિયલ વચનો લખી રાખ્યાં છે અને તેઓ લગ્નમાં આ વચનો એકબીજાને આપશે.

ગણેશપૂજામાં કોણ કોણ હાજર રહ્યું?

રણબીરના વાસ્તુ એપાર્ટમેન્ટમાં સૌ પહેલાં નીતુ સિંઘ દીકરી રિદ્ધિમા, દોહિત્ર સમારા તથા જમાઇ ભરત શાહની સાથે આવ્યા હતા. ત્યારબાદ રણબીરની ફોઇ રીમા જૈન આવ્યા હતા. કરીના કપૂર, કરિશ્મા કપૂર, આરતી શેટ્ટી, અરમાન જૈન-અનીસા જૈન પણ ઔઆવ્યા હતા.

રણબીરે લેડીલવ માટે 8 ડાયમંડથી બનેલી રિંગ તૈયાર કરાવી

રણબીર કપૂર લેડી લવને 8 ડાયમંડ્સથી બનેલી રિંગ ગિફ્ટમાં આપવાનો છે. રણબીર કપૂરનો લકી નંબર 8 છે. ડાયમંડ્સ રણબીર કપૂરે જાતે પસંદ કર્યા છે. રણબીરે ઇન્ટરનેશનલ બ્રાન્ડ વેન ક્લીફ એન્ડ આર્પેલ્સ પાસે આ રિંગ બનાવી છે. રણબીરના નજીકના મિત્રએ કહ્યું કે, રણબીરે આલિયા માટે કસ્ટમ મેડ રિંગ તૈયાર કરાવી છે. આ રિંગ લંડનના સ્ટોરમાં બની છે.

અલગથી સંગીત સેરેમની યોજાશે નહીં

રણબીર-આલિયાના નજીકના લોકોએ કહ્યું છે કે પ્રી-વેડિંગ ફંકશનમાં અલગથી સંગીત સેરેમની યોજવામાં આવશે નહી. પરંતુ સેરેમનીની સાથે જ ડાન્સ ફંકશન યોજાશે.

સોનાના વરખમાંથી બનાવેલું છે રોઝ બુકે

વેડિંગ વેન્યુ પર ગિફ્ટ લઇ આવેલા વ્યક્તિએ કહ્યું અમે સુરતથી આવ્યા છે. રણબીરજી અને આલિયાજી માટે આ ગિફ્ટ છે આ ગોલ્ડ પ્લેટેડ રોઝ બુકે છે જેને સોનાના વરખમાંથી બનાવ્યું છે . આ 100 ટકા રિયલ છે. આ ગિફ્ટ કુશલભાઇ જ્વેલર્સે મોકલી છે.

આલિયાનોઔડ્રાઇવર પણ ટ્રેડિશન કપડાંમાં જોવા મળ્યો

પ્રી-વેડિંગ ફંકશનની શરૂઆત થાય તે પહેલાં જ આલિયા ભટ્ટ રણબીર કપૂરના ઘરે પહોંચી ગઇ હતી. જોકે તેની એક પણ તસવીર મીડિયામાં સામે આવી નથી. જોકે આલિયા ભટ્ટનો ડ્રાઇવર ફોટોગ્રાફર્સના કેમેરામાં કેદ થઇ ગયો હતો. વીડિયોમાં આલિયાનો ડ્રાઇવર વાસ્તુ બિલ્ડિંગમાં પ્રવેશતો જોવા મળ્યો. આલિયાના પ્રી-વેડિંગ ફંકશનમાં તેનો ડ્રાઇવર પણ ટ્રેડિશનલ કપડાંમાં જોવા મળ્યો. તે બેઝ કલરના કુર્તા અને વ્હાઇટ પાયજામામાં જોવા મળ્યો હતો.