2300 કરોડનો માલિક, સલમાન ખાને પોતાના વારીસનો કર્યો ખુલાસો

ના પત્ની, ના બાળક કોણ હશે સલમાન ખાનનો વારીસ ?
સલમાન ખાનની કરોડોની પ્રોપર્ટીનો માલિક કોણ બનશે?
સલમાન ખાને પોતાની સંપત્તિના વારીસ વિશે કરી વાત

બોલિવૂડના ફેમસ એક્ટર સલમાન ખાનના ફેન્સની સંખ્યા કરોડોમાં છે. જો કે બાળકોથી લઈને વૃદ્ધો પણ સલમાનની એક્ટિંગના દિવાના છે. પરંતુ તેનો જાદુ છોકરીઓ પર જોર શોરથી ચડેલો છે. સલમાન હંમેશા અભિનેત્રીઓ સાથેના અફેરને લઈને ચર્ચામાં રહે છે. ઘણી વખત લગ્નના સમાચાર પણ સામે આવે છે. પરંતુ હજુ પણ તેના ફેંસ લગ્નના સમાચાર સાંભળવા આતુર છે. 55 વર્ષની ઉંમરમાં પણ ફિટ દેખાતા સલમાન ખાન લગ્ન કરવાના મૂડમાં નથી. જેથી લોકોના મનમાં સવાલ ઉઠી રહ્યો છે કે જો સલમાન લગ્ન નહી કરે તો સલમાન ખાનની હજારો કરોડની પ્રોપર્ટીની માલિકી કોને બનશે

અભિનેતાએ પોતાના વારીસ વિશે કરી ખુલ્લીને વાત

સલમાને પોતે પણ આ વિશે જણાવ્યું હતું. તમને જણાવી દઈએ કે સદીના સુપરહીરો કહેવાતા બિગ બી અમિતાભ બચ્ચને તેમની હજારો કરોડની સંપત્તિ તેમના એકમાત્ર પુત્ર અભિષેક બચ્ચનને સોંપવાની વાત કરી હતી. આ રીતે જો સલમાન ખાન બેચલર જ રહેશે તો તેની હજારો કરોડની સંપત્તિનો માલિક કોણ હશે. સલમાન ખાને કહ્યું હતું કે તેના ગયા પછી તેની સંપત્તિ કોની રહેશે. અભિનેતાએ એકવાર આ અંગે વાત કરતા કહ્યું હતું કે, ‘હું લગ્ન કરું કે ન કરું, મારા મૃત્યુ પછી મારી અડધી મિલકત ટ્રસ્ટને દાનમાં આપી દેવામાં આવશે અને જો હું લગ્ન નહીં કરું તો મારી આખી સંપત્તિ ટ્રસ્ટના નામે થઈ જશે.

સલમાન ખાન પાસે લગભગ 2300 કરોડ રૂપિયાની સંપત્તિ

મીડિયા રિપોર્ટ્સ અનુસાર હાલમાં અભિનેતા સલમાન ખાન પાસે લગભગ 2300 કરોડ રૂપિયાની સંપત્તિ છે. હિન્દી સિનેમાની સાથે સલમાન ખાન વિશ્વના સૌથી મોંઘા કલાકારોની યાદીમાં પણ સ્થાન ધરાવે છે. તેની પાસે પોતાનું પ્રાઈવેટ જેટ પણ છે. તેની પાસે મોંઘા અને લક્ઝરી વાહનોનો મોટો સંગ્રહ પણ છે. સલમાન એક ફિલ્મ માટે 50 થી 60 કરોડની તગડી ફી લે છે. તમને જણાવી દઈએ કે સલમાન ખાન છેલ્લા 33 વર્ષથી હિન્દી સિનેમામાં કામ કરી રહ્યો છે. તેણે 1988માં આવેલી ફિલ્મ ‘બીવી હો તો ઐસી’માં એક નાનકડો રોલ કર્યો હતો. હિન્દી સિનેમાની એવરગ્રીન અભિનેત્રી રેખાએ આ ફિલ્મમાં મહત્વની ભૂમિકા ભજવી હતી.

અભિનેતાએ ફિલ્મ મૈંને પ્યાર કિયાથી કારકિર્દીની શરૂઆત કરી હતી

સલમાન ખાને 1989માં ફિલ્મ મૈંને પ્યાર કિયાથી લીડ એક્ટર તરીકે પોતાની કારકિર્દીની શરૂઆત કરી હતી. ફિલ્મ અભિનેત્રીનું પાત્ર ભાગ્યશ્રીએ ભજવ્યું હતું. આ ફિલ્મે પહેલાથી જ બોક્સ ઓફિસ પર ધૂમ મચાવી દીધી હતી. સૂરજ બડજાત્યા દ્વારા નિર્દેશિત આ ફિલ્મમાં સલમાન અને ભાગ્યશ્રી સાથે આલોક નાથ મુખ્ય ભૂમિકામાં જોવા મળ્યા હતા. 33 વર્ષની ફિલ્મી કરિયરમાં સલમાન ખાને બોક્સ ઓફિસ પર એકથી એક ચડીયાતી ફિલ્મો આપી છે