દીકરાને લઈને હોસ્પિટલની બહાર નીકળી ભારતીસિંહ

ભારતીસિંહને અપાઈ હોસ્પિટલમાંથી રજા
ભારતી અને હર્ષના ફોટા તેમજ વીડિયો વાયરલ
પિતા હર્ષ પુત્રને વ્હાલ કરતો મળ્યો જોવા

આ સમયે ભારતી સિંહના ઘરે ઉજવણીનો માહોલ જામ્યો છે. પુત્રના જન્મથી જ કોમેડિયન ભારતી સિંહનું જીવન ખુશીઓથી ભરાઈ ગયું છે. ભારતીએ હાલમાં જ પુત્રને જન્મ આપ્યો છે. ભારતી આખી રાત જાગીને પોતાના બાળકની ખાસ કાળજી લઈ રહી છે.

ભારતીને અપાઈ હોસ્પિટલમાંથી રજા

સૌથી મહત્વની વાત એ છે કે ભારતી સિંહ હવે તેના ન્યૂ બોર્ન લિટલ પ્રિન્સને તેના ઘરે લઈ જઈ રહી છે. ભારતીને હોસ્પિટલમાંથી રજા આપવામાં આવી છે. હોસ્પિટલની બહારથી ભારતી અને હર્ષના ઘણા ફોટા અને વીડિયો સોશિયલ મીડિયા પર વાયરલ થઈ રહ્યા છે.

ફોટામાં પિતા હર્ષ પુત્રને વ્હાલ કરતો જોવા મળ્યો

વાયરલ ફોટામાં તમે જોઈ શકો છો કે લિટલ પ્રિન્સના પિતા હર્ષ લિમ્બાચીયા તેમના નાના પુત્રને પ્રેમથી વ્હાલ કરી રહ્યા છે. ભારતી પણ વ્હાલ કરતી જોવા મળી રહી છે. હંમેશા બીજાને હસાવતી ભારતીના ચહેરા પરનું મોટું સ્મિત જોઈને સ્પષ્ટ થાય છે કે તે તેના પુત્રને ઘરે લઈ જવા માટે કેટલી ખુશ અને ઉત્સાહિત છે.

ચાહકોએ આપી શુભેચ્છા

જો કે ચાહકો ભારતી અને હર્ષના નાના બાળકનો ચહેરો જોઈ શક્યા ન હતા. પરંતુ કપલ સાથે પોતાના બાળકને જોઈને તેઓ ખુશ છે. એક યુઝરે લખ્યું- તમારા બંને માટે ખુશ. બહુત સારા પ્યાર.વેલકમ બેબી બોય. તો બીજી તરફ ઘણા ચાહકો ભારતી, હર્ષ અને તેમના બાળક પર હાર્ટ ઇમોજી સાથે પ્રેમ વરસાવી રહ્યા છે.

ભારતીએ ડિલિવરીના છેલ્લા દિવસ સુધી કામ કર્યું

ભારતીએ પ્રેગ્નેન્સીમાં ઘણી મહિલાઓ માટે એક દાખલો બેસાડ્યો છે. કોમેડિયન ભારતીએ ડિલિવરીના એક દિવસ પહેલા સુધી કામ કર્યું હતું. માતા બન્યા પછી ભારતી હવે તેની નાના મંચકીન સાથે સમય પસાર કરીને દરેક ક્ષણને યાદગાર બનાવી રહી છે.