હેવાન કલાસમાં ઘૂસ્યો અને બે બાળકીઓના કપડાં ઉતરાવી, પેશાબ કર્યો

દિલ્હીના ભજનપુરા વિસ્તારમાં આવેલી MCD સ્કૂલમાં ચકચાર ઘટના બની
દિલ્હી મહિલા આયોગને જાણ થતા સમગ્ર ઘટનાનો ભાંડાફોડ
સ્કૂલ મેનેજમેન્ટે સમગ્ર ઘટનાને દબાવવાનો કર્યો હતો પ્રયાસ

શાળાની મીટીંગ પછી ચોથા ધોરણના બાળકો શિક્ષક આવે તેની રાહ જોતા હતા. એટલામાં જ એક અજાણી વ્યક્તિ કલાસમાં પ્રવેશે છે. ગંદા ઈરાદા સાથે આવેલા હેવાને એક પછી એક બે બાળકીઓના કપડા ઉતારી દીધા અને અશ્લીલ વાતો કરવા લાગ્યો. કલાસની છોકરીઓ ડરી ગઈ. પરંતુ પેલા હેવાનની હરકત ચાલુ રહી. તેણે કલાસમાં જ પેશાબ કર્યો અને થોડીવાર પછી તે ભાગી ગયો. શિક્ષણના ધામાં આવી ઘટના બની પરંતુ આશ્ચર્ય અને ગુસ્સો એ વાતનો છે કે શાળાના મેનેજમેન્ટે આ ઘટનાને દબાવવાનો પ્રયાસ કર્યો. રાજધાની દિલ્હીના ભજનપુરા વિસ્તારમાં આવેલી MCD સ્કૂલની આ ઘટના 30 એપ્રિલની છે. દિલ્હી મહિલા આયોગના અધ્યક્ષ સ્વાતિ માલીવાલને આ કેસની જાણ થઈ અને ત્યારબાદ શાળા પ્રશાસનમાં ખળભળાટ મચી ગયો. દિલ્હી મહિલા આયોગ (DCW) એ પૂર્વ દિલ્હી મ્યુનિસિપલ કોર્પોરેશન સ્કૂલની બે છોકરીઓની જાતીય સતામણીનો આરોપ લગાવતા કોર્પોરેશનના કમિશનરને સમન્સ રજૂ કર્યું છે. આ સાથે પંચે દિલ્હી પોલીસને નોટિસ પાઠવીને તાત્કાલિક કાર્યવાહી કરવાની માંગણી કરી છે.

8 વર્ષની બાળકીઓ સાથે ખોફનાક ઘટના

બાળકીઓની ઉંમર 8 વર્ષ હોવાનું કહેવાય છે. દિલ્હી મહિલા આયોગે આ ઘટના અંગે વિગતવાર માહિતી આપી છે. જણાવવામાં આવ્યું કે ભજનપુરા વિસ્તારમાં આવેલી MCD સ્કૂલમાં તે દિવસે તમામ વિદ્યાર્થીઓ સ્કૂલની સભા બાદ ક્લાસની અંદર પોતાના શિક્ષક આવવાની રાહ જોઈ રહ્યા હતા. એટલામાં જ એક અજાણ્યો વ્યક્તિ ક્લાસમાં આવ્યો અને એક છોકરીઓના કપડાં ઉતારીને અશ્લીલ વાતો કરવા લાગ્યો. ત્યારબાદ તે બીજી બાળકી પાસે ગયો અને તેના કપડાં પણ ઉતારી દીધા. ત્યારબાદ તે ક્લાસમાં જ પેશાબ કરવા લાગ્યો. કમિશનનું કહેવું છે કે જ્યારે છોકરીઓએ ક્લાસ ટીચર અને પ્રિન્સિપાલને આ અંગે જાણ કરી તો તેઓએ તેમને ચૂપ રહેવા અને ઘટના ભૂલી જવા કહ્યું.

સીસીટીવી ફૂટેજ આપવાનું કહ્યું

આયોગે મ્યુનિસિપલ કોર્પોરેશનને શાળાના સીસીટીવી ફૂટેજની વિગતો તેમજ શાળામાં મુલાકાતીઓ પર નજર રાખવાની જોગવાઈઓ આપવા અને જો શાળામાં સીસીટીવી કેમેરા ન હોય તો મ્યુનિસિપલ કમિશનરને જાણ કરવા પણ જણાવ્યું હતું. પૂછ્યું સીસીટીવી કેમેરા લગાવવા માટે ઈસ્ટર્ન કોર્પોરેશનને મોકલવામાં આવેલ પડતર દરખાસ્તોની જાણ કરવા પણ જણાવ્યું હતું.