ગલવાનમાં ચીનનો ધ્વજ ફરકાવાને લઈને વિપક્ષ આકરા પાણીએ, સરકારને ઘેરી

ગલવાનમાં ચીનનો ધ્વજ ફરકાવાને લઈને વિપક્ષનો હંગામો
વિપક્ષે મોદી સરકારને પૂછ્યા સવાલ,
રાહુલ ગાંધીએ કહ્યું- હવે મૌન તોડો PM

ચીન તેના પ્રોપગેન્ડા (પ્રચાર યુદ્ધ)દ્વારા પૂર્વી લદ્દાખ પર પ્રભુત્વ મેળવવા માંગતું હતું, પરંતુ 5 મે 2020 ના રોજ હિંસક અથડામણમાં તેને યોગ્ય જવાબ મળ્યો. ત્યારથી તેમનું પ્રચાર તંત્ર વધુ સક્રિય બન્યું છે. હવે તેણે પોતાના સૈનિકોને ગલવાન ઘાટીમાં ચીનનો ધ્વજ ફરકાવતા બતાવ્યો છે.

ભારતમાં આ મામલે વિપક્ષ સરકારને ચારેકોર ઘેરી રહી છે. કોંગ્રેસના પૂર્વ અધ્યક્ષ રાહુલ ગાંધીએ વડાપ્રધાન નરેન્દ્ર મોદીને આ મામલે મૌન તોડવાની અપીલ કરી છે. મેજર જનરલ (નિવૃત્ત) જીડી બક્ષીએ પણ કબૂલ્યું છે કે ભારતીય જમીન પર ચીનના કબજાના આરોપોને સંપૂર્ણ રીતે નકારી શકાય નહીં.

રાહુલ ગાંધીએ કહ્યું- મોદીજી, મૌન તોડો

કેરળના વાયનાડથી કોંગ્રેસના સાંસદ, રાહુલ ગાંધીએ વડા પ્રધાન નરેન્દ્ર મોદીને પૂર્વી લદ્દાખના ગલવાન ક્ષેત્રમાં ચીની ઘૂસણખોરી પર મૌન તોડવા કહ્યું. રાહુલ ગાંધીએ ટ્વિટર પર કહ્યું, ગલવાનમાં અમારો ત્રિરંગો સારો લાગે છે. ચીને જવાબ આપવો પડશે. મોદીજી, મૌન તોડો.

કોંગ્રેસ પૂર્વ લદ્દાખ અને અરુણાચલ પ્રદેશમાં ચીનની કથિત ઘૂસણખોરીને લઈને કેન્દ્ર સરકાર પર પ્રહારો કરતી રહી છે. ચીન દ્વારા અરુણાચલ પ્રદેશના 15 જગ્યાઓના નામ બદલવાના પગલાને રાહુલ ગાંધીએ વખોડતા સરકાર પર નિશાન સાધ્યું હતું.

યુથ કોંગ્રેસના નેતાનો PM પર કટાક્ષ

બીજી તરફ યુથ કોંગ્રેસના રાષ્ટ્રીય અધ્યક્ષ શ્રીનિવાસ બીએ PM મોદી પર કટાક્ષ કર્યો અને પૂછ્યું કે તેમની 56 ઈંચની છાતી ક્યાં ગઈ? રાહુલે ટ્વીટ કર્યું, ‘નવા વર્ષ નિમિત્તે ભારતની ગલવાન ખીણમાં ચીનનો ધ્વજ ફરકાવ્યો. 56 ઇંચ છાતી ધરાવતો ચોકીદાર ક્યાં છે?’

સંરક્ષણ નિષ્ણાતે સ્વીકાર્યું – કંઈક ખોટું થયું
શું ખરેખર ચીનની સેના આપણી ધરતી પર આવી છે? નિવૃત્ત મેજર જનરલ જીડી બક્ષીએ કહ્યું કે આ આશંકાને સંપૂર્ણ રીતે નકારી શકાય નહીં. તેમણે કહ્યું, ‘ભારત-ચીન યુદ્ધ પછી બંને દેશો નિયંત્રણ રેખા (LAC) પર સંમતિ સધાઈ હતી અને બંને દેશોએ તેનું સન્માન કરવાનો સંકલ્પ કર્યો હતો.

ભારતે આ કર્યું, પરંતુ ચીનના પક્ષમાંથી આવું કંઈ લાગતું નથી.’ નવા વર્ષ નિમિત્તે ચીની સૈનિકો સાથે મીઠાઈ વહેંચવાની ઘટના પર પણ તેમણે નારાજગી વ્યક્ત કરી હતી.