Makar Sankranti: જો કરશો આ કામ, તો થશે મોટું નુકસાન

ઉત્તરાયણે સૂર્ય ધન રાશિથી મકર રાશિમાં કરશે પ્રવેશ
મકર સંક્રાંતિએ ટાળો કેટલાક ખાસ કામ
આ દિવસે રચાશે 3 ગ્રહોનો સંયોગ પણ

ઉત્તરાયણનો તહેવાર 14 જાન્યુઆરીએ ઉજવવામાં આવે છે પણ સ્નાન અને દાનનો મહિમા 15 જાન્યુઆરીએ કરાય છે. મકર સંક્રાંતિના દિવસે પવિત્ર નદીના સ્નાન કરવા અને સૂર્ય દેવની આરાધના કરવાથી પુણ્યની પ્રાપ્તિ થાય છે. મકર સંક્રાંતિના દિવસે ખીચડી અને તલના લાડુ ખાવાની પરંપરા છે. તલની તાસીર ગરમ હોય છે. શિયાળામાં તલ ખાવાનું સ્વાસ્થ્ય માટે સારું રહે છે. તો જાણો આ દિવસે શું કરવું અને શું ન કરવાનું લાભદાયી રહે છે.

ઉત્તરાયણના દિવસે શું કરવું

મકર સંક્રાંતિના દિવસે નદીમાં સ્નાન કરવાની પરંપરા છે. પણ જો તમે આ દિવસે ઘરે પણ પાણીમાં કાળા તલ નાંખીને સ્નાન કરો છો તો તે યોગ્ય માનવામાં આવે છે.
મકર સંક્રાંતિના દિવસે કાળા તલનું દાન કરો. આમ કરવાથી શનિદેવ પ્રસન્ન થાય છે. શનિદોષ, સાડાસાતી અને ઢૈય્યામાં રાહત મળે છે.
આ દિવસે તલનું પાણી પીવાથી, તલના લાડુ ખાવાથી અને તલનો ઉબટન લગાવવાની પણ પરંપરા છે.
આ દિવસે સીઝનલ શાકથી ભરપૂર ખીચડી ખાવાની પરંપરા છે. તેના અનેક સ્વાસ્થ્ય લાભ પણ છે.

શું ન કરવું જોઈએ

ઉત્તરાયણના દિવસે મદિરા પાન, તામસિક પદાર્થોનું સેવન કરવું નહીં.
આ દિવસે સ્નાન અને દાનથી પહેલા ભોજન ગ્રહણ કરવું નહીં.
જો તમારા ઘરે આ દિવસે કોઈ ભીખારી કે માંગનાર આવે તો તેને કંઈક દાનમાં આપો.
તમે આ દિવસે અન્ય ગ્રહોની શાંતિના ઉપાય કરી શકો છો. જે ગ્રહનો ઉપાય કરવાનો હોય તેને સંબંધિત વસ્તુનું દાન કરવું. તે ગ્રહદોષને દૂર કરે છે.

મકર રાશિમાં ત્રણ ગ્રહોનો સંયોગ ત્રિગ્રહી યોગ રચશે

ગ્રહોના રાજા સૂર્ય, 14 જાન્યુઆરી, 2022 ના રોજ બપોરે 2:28 વાગ્યે તેમના પુત્ર શનિની રાશિ મકર રાશિમાં સંક્રમણ કરશે. મકર રાશિમાં સૂર્ય 14 માર્ચની રાત્રે 12.15 મિનિટ સુધી રહેશે. તે જ સમયે, શનિદેવ પહેલેથી જ પોતાની રાશિ મકર રાશિમાં બિરાજમાન છે. ડિસેમ્બર 2021 માં મકર રાશિમાં બુધમાં સંક્રમણ કર્યું હતું. મકર રાશિમાં ત્રણ ગ્રહોનો સંયોગ ત્રિગ્રહી યોગમાં પરિણમશે. આ યોગ 5 રાશિઓ માટે શુભ અને 7 રાશિઓ માટે અશુભ છે.