એલર્ટઃ દ્રાક્ષનું વધારે પડતું સેવન લાવે છે આ ગંભીર બીમારીઓ!

ડાયરિયા અને કિડનીની સમસ્યા વધારે
વજન વધવાની સાથે એલર્જીનો શિકાર બનાવે
પ્રેગનન્સીમાં મુશ્કેલી લાવે

દરેક વ્યક્તિને દ્રાક્ષ ખાવાનું પસંદ હોય છે અને ખાસ કરીને ઉનાળામાં ઋતુમાં. સીઝનમાં મળતી દ્રાક્ષમાં વિટામિન્સ, મિનરલ્સ અને એન્ટીઓક્સીડેન્ટ મળી આવે છે. આ જ કારણ છે કે દ્રાક્ષના સેવનથી સ્વાસ્થ્યને ફાયદો થાય છે, પરંતુ જો તમે દ્રાક્ષનું વધારે સેવન કરો છો તો તેની ઘણી આડઅસર પણ થઈ શકે છે. દ્રાક્ષનું વધુ સેવન કરવાથી વજન વધી શકે છે. તેની સાથે તેમાં રહેલ મીઠાશ પણ કિડની સંબંધિત સમસ્યાઓનું કારણ બની શકે છે. દ્રાક્ષના વધુ પડતા સેવનથી પેટ સંબંધિત સમસ્યાઓ પણ થઈ શકે છે, તેથી દ્રાક્ષનું સેવન મર્યાદિત માત્રામાં જ કરવું જોઈએ. ચાલો જાણીએ કે વધુ દ્રાક્ષનું સેવન તમારા શરીર માટે કેવી રીતે હાનિકારક સાબિત થઈ શકે છે.

ડાયરિયા

વધુ મીઠી વસ્તુઓનું સેવન કરવાથી ઝાડા થવાનું જોખમ વધી જાય છે. તે જ સમયે દ્રાક્ષમાં સાદી ખાંડને કારણે તે ઝાડા પણ કરી શકે છે. જો પેટ પહેલાથી જ ખરાબ છે તો દ્રાક્ષનું વધુ સેવન ન કરવું જોઈએ. દ્રાક્ષ વધારે ખાવાથી ઝાડા થઈ શકે છે.

કિડનીની સમસ્યા

જો કોઈ વ્યક્તિને ક્રોનિક કિડની ડિસીઝ અથવા ડાયાબિટીસ હોય તો તેણે દ્રાક્ષનું સેવન ન કરવું જોઈએ. દ્રાક્ષનું વધુ પડતું સેવન કરવાથી કિડની સંબંધિત અનેક પ્રકારની સમસ્યાઓ થઈ શકે છે. આ ઉપરાંત દ્રાક્ષ વધુ માત્રામાં ખાવાથી શરીરના બ્લડ સુગરનું સ્તર પણ વધી શકે છે, જે ડાયાબિટીસનું કારણ બની શકે છે અને કિડનીને નુકસાન પહોંચાડી શકે છે.

વજન વધવાની સમસ્યા

વજન વધવાની સમસ્યા શિયાળામાં સૌથી વધુ હોય છે. આવી સ્થિતિમાં દ્રાક્ષ ખાવી સ્વાસ્થ્ય માટે હાનિકારક સાબિત થઈ શકે છે. દ્રાક્ષ ખાવાથી કેલરીની માત્રા વધે છે. દ્રાક્ષમાં કેલરીની માત્રા ઘણી વધારે હોય છે. તે જ સમયે દ્રાક્ષમાં પ્રોટીન, ચરબી, ફાઇબર, કોપર અને વિટામિન-કે અને થાઇમીન પણ મળે છે. આવી સ્થિતિમાં વધુ દ્રાક્ષ ખાવાથી વજન વધી શકે છે.

પ્રેગનન્સીમાં થઈ શકે છે તકલીફ

દ્રાક્ષમાં મજબૂત પોલિફીનોલ હોય છે જે રેડ વાઇનમાં પણ જોવા મળે છે. આના કારણે પેટમાં આકાર લઈ રહેલા બાળકમાં સ્વાદુપિંડની સમસ્યા જોવા મળે છે. તેથી ગર્ભાવસ્થા દરમિયાન દ્રાક્ષનું સેવન કરતી વખતે ખૂબ કાળજી રાખો.

થઈ શકે છે એલર્જીની સમસ્યા

જો તમે પણ વધારે પ્રમાણમાં દ્રાક્ષનું સેવન કરો છો તો હાથ પગમાં એલર્જીની સમસ્યા થઈ શકે છે. તેમાં લિક્વિડ પ્રોટીન ટ્રાન્સફર હોય છે જે એલર્જીનું કારણ બને છે. આ રીતે એલર્જીના સિમ્પટમ્સમાં ખંજવાળ આવવી, રેશિઝ થવા અને મોઢા પર સોજા આવી શકે છે. દ્રાક્ષ એનાફિલેક્સિસનું કારણ બની શકે છે જે ખતરનાક સાબિત થઈ શકે છે.