ગાયું 'અલ્લાહ કે બંદે...', સિંગરે લીધા અંતિમ શ્વાસ, ઇમોશનલ થયા કૈલાશ ખેર

• ગાયક સુરેન યુમનમનું નિધન
• લાંબા સમયથી હતા બીમાર
• કૈલાશ ખેરે શેર કર્યો છેલ્લો વીડિયો

પ્રખ્યાત મણિપુરી ગાયક સુરેન યુમનમનું લાંબી માંદગી બાદ હોસ્પિટલમાં અવસાન થયું. સિંગર માત્ર 35 વર્ષનો હતો, તે લાંબા સમયથી લિવર સંબંધિત બીમારી સામે લડી રહ્યો હતો. સુરેન યુમનમે તેની સારવાર દરમિયાન ક્યારેય હિંમત હારી ન હતી. તે હંમેશાથી જિંદાદિલ રહ્યો છે, આ તેનો છેલ્લો વીડિયો સાબિત કરે છે. સિંગર યુમનમ હોસ્પિટલના બેડ પર મશીનોથી ઘેરાયેલા હોવા છતાં કૈલાશ ખેરનું ગીત 'અલ્લાહ કે બંદે' દમદાર અવાજમાં ગાતા નજરે પડી રહ્યા છે.

કૈલાશ ખેરે ગાયક સુરેન યુમનમનો વીડિયો શેર કર્યો છે

સુરેન યુમનમના મૃત્યુ બાદ ભાવુક કૈલાશ ખેરે સોશિયલ મીડિયા પર તેમનું ગીત ગાતો એક વીડિયો શેર કર્યો છે. કૈલાશ ખેરે વીડિયોની સાથેના કેપ્શનમાં લખ્યું- 'મણિપુરના પ્રિય અને પ્રખ્યાત ગાયક સુરેન યુમનમ હોસ્પિટલના પલંગ પર અલ્લાહ કે બંદે ગાતા, ગઈકાલે મણિપુરમાં તેમની બિમારીના કારણે મૃત્યુ પામ્યા અને સ્વર્ગસ્થ નિવાસ માટે રવાના થયા. પણ આપણા બધા માટે એક મુસ્કાન સાથે જીવવાનો સંદેશો છોડી દીધો...'

કૈલાશ ખેરે લખ્યું- 'જ્યારે મેં આ વીડિયો જોયો અને તેનો અવાજ સાંભળ્યો ત્યારે ખૂબ જ દુઃખ થયું કે તે કેવી રીતે બીજો દિવસ જીવવા માટે ઉત્સુક છે. સાથે જ ખુશીની કોઇ સીમા ન રહી રે મને ખબર પડી કે મણિપુરના લોકોએ તેની સારવાર માટે 58, 51, 270 રૂપિયા એકઠા કર્યા અને તેમની સારવારમાં પોતાનું સર્વશ્રેષ્ઠ આપ્યું. ભગવાન તેમના આત્માને શાંતિ આપે. ભગવાન મણિપુરના લોકોનું ભલું કરે.