‘કાચા બદામ’ ફેમ ભુવન રોડ અકસ્માતમાં ઘાયલ, હોસ્પિટલમાં દાખલ કરાયા

‘કાચા બદામ’ ફેમને નડ્યો અકસ્માત
હાલ હોસ્પિટલમાં દાખલ કરાયા
ભુવન સોશિયલ મીડિયા પર ખૂબ પ્રખ્યાત છે

સોશિયલ મીડિયા પર ‘કાચા બદામ’ ગીત ગાઈને ચર્ચામાં આવેલા પશ્ચિમ બંગાળના ભુવન બદ્યાકર સોમવારે રાત્રે માર્ગ અકસ્માતનો શિકાર બન્યા હતા. મીડિયા રિપોર્ટ્સ અનુસાર, ભુવન સેકન્ડ હેન્ડ વાહન ચલાવતા શીખી રહ્યો હતો, તે દરમિયાન તેનો અકસ્માત થયો.

મળતી માહિતી મુજબ, આ અકસ્માતમાં તેમને છાતીમાં ઈજાઓ થઈ છે. તેમને પશ્ચિમ બંગાળના બીરભૂમની સરે સુપર સ્પેશિયાલિટી હોસ્પિટલમાં દાખલ કરવામાં આવ્યા છે. ભુવન બદ્યાકર ‘કાચા બદામ’ ગીત ગાયા પછી ખૂબ જ પ્રખ્યાત થયા. ‘કાચા બદામ’ પછી ભુવન બદ્યાકર ઈન્ટરનેટ સેન્સેશન બની ગયો છે. ઘણા સ્ટાર્સે કાચા બદામ પર વીડિયો પણ બનાવ્યા છે.

જણાવી દઈએ કે પશ્ચિમ બંગાળના મગફળી વેચનાર ભુવન બદ્યાકરે ગ્રાહકોને આકર્ષવા માટે કાચા બદામ’ ગીત કમ્પોઝ કર્યું હતું. પરિવારનું ભરણપોષણ કરવા માટે તે દરરોજ 3-4 કિલો મગફળી વેચીને 200-250 રૂપિયા કમાતા હતા. તે તૂટેલા મોબાઈલ ફોન, તૂટેલી મહિલાની સોનાની વીંટી, ચેઈન વગેરેના બદલામાં મગફળી વેચતો હતો. આજકાલ આ ગીત બાળકોથી લઈને વૃદ્ધો સુધી ખૂબ જ પસંદ કરવામાં આવી રહ્યું છે.