ઝાંસીમાં 27 વર્ષની કોડભરી કન્યાએ ભગવાન શિવજી સાથે કર્યા વિવાહ

• લગ્નની તમામ વીધી કરવામાં આવી, જાનૈયાઓનું જાનમાં થયુ સ્વાગત
• અનોખા લગ્ન ઝાંસીના બડાગાંવ ગેટની બહાર સ્થિત બ્રહ્માકુમારી આશ્રમમાં થયા હતા
• આમંત્રણ પત્રો લખવામાં આવ્યા હતા. વરઘોડો કાઢવામાં આવ્યો હતો

ઝાંસીમાં રહેતી 27 વર્ષની ગોલ્ડી રાયકવાર શ્રાવણ મહિનામાં ભગવાન શિવ સાથે લગ્ન કરીને ચર્ચામાં આવી છે. આ લગ્નોત્સવ દરમિયાન ભગવાન શિવના શિવલિંગને રથ પર લઈ શોભાયાત્રા કાઢવામાં આવી હતી. વરમાળા પણ પહેરાવી હતી. સમારંભમાં આવેલા લોકોને મિજબાની પણ આપવામાં આવી હતી. આ અનોખા લગ્ન ઝાંસીના બડાગાંવ ગેટની બહાર સ્થિત બ્રહ્માકુમારી આશ્રમમાં થયા હતા.

બલરામ રાયકવારની પુત્રી ગોલ્ડી રાયકવારના વિવાહ

શહેરની અન્નપૂર્ણા કોલોનીમાં રહેતી અને બબીનામાં ડેપ્યુટી પોસ્ટમાસ્ટર બલરામ રાયકવારની પુત્રી ગોલ્ડી રાયકવાર મધ્યપ્રદેશના ઈન્દોરમાં સ્થિત બ્રહ્માકુમારી છાત્રાલયમાં રહીને તેમણે આધુનિક શિક્ષણની સાથે સાથે આધ્યાત્મિક શિક્ષણ પણ મેળવ્યું હતું. આ પછી, ઝાંસી પાછા ફર્યા પછી, ગોલ્ડી બારાગાંવમાં બનેલા પ્રજાપિતા બ્રહ્માકુમારી ઈશ્વરીય વિશ્વ વિદ્યાલયમાં ભગવાનની સેવામાં લાગી હતી.

ભગવાન શિવ સાથે લગ્ન કર્યા

ગોલ્ડી રાયકવારે કહ્યું કે જે રીતે મીરાબાઈએ ભગવાન કૃષ્ણને પોતાના પતિ તરીકે સ્વીકાર્યા હતા, એ જ રીતે ભગવાન શિવ સાથે લગ્ન કરવાનો મને બાળપણથી જ વિચાર આવ્યો હતો. હું ખૂબ જ ખુશ છું કે મેં ભગવાન શિવ સાથે લગ્ન કર્યા છે અને તેમને મારા પતિ બનાવ્યા છે. તેઓ હંમેશા મને સાથ આપશે. બે દિવસ પહેલા તેણે બ્રહ્માકુમારી આશ્રમની બહેનોને ભગવાન શિવ સાથે લગ્ન કરવાનો વિચાર જણાવ્યો અને પછી બધાની સંમતિથી વિધિની તૈયારીઓ શરૂ કરવામાં આવી.

 જયમાલાનો કાર્યક્રમ પણ થયો

આ માટે આમંત્રણ પત્રો લખવામાં આવ્યા હતા. વરઘોડો કાઢવામાં આવ્યો હતો. મહેમાનોને ભોજન સમારંભ આપવામાં આવ્યો હતો. બડાગાંવ ગેટની બહાર સ્થિત મેરેજ હોલમાં રવિવારે રાત્રે લગ્ન સમારોહ યોજાયો હતો. ભગવાનના શિવલીંગ સ્વરૂપને શોભાયાત્રાના રૂપમાં રથ પર લાવવામાં આવી હતી અને મહિલાઓએ દ્વારચરણની વિધિ કરી હતી. આ પછી જયમાલાનો કાર્યક્રમ પણ થયો અને સાત ફેરા પણ થયા.