પાકિસ્તાનની સેનાએ ભારત પર સણસણતો આરોપ લગાવ્યો

124 કિમી પ્રતિ કલાકની ઝડપે પાકિસ્તાનમાં ઘૂસ્યું ભારતનું ફ્લાઈંગ ઓબ્જેક્ટ!
હાઇસ્પીડ ફ્લાઇંગ ઓબ્જેક્ટ તેમની એરસ્પેસમાં ઘૂસયાનો દાવો
આ ઓબ્જેક્ટ 9 માર્ચે પાકિસ્તાની એરસ્પેસમાં પ્રવેશ્યું હતું

પાકિસ્તાની સેનાએ સણસણતો આરોપ લગાવ્યો છે કે ભારતની એક હાઇ સ્પીડ ફ્લાઇંગ ઓબ્જેક્ટે તેમની એરસ્પેસમાં ઘૂસણખોરી કરી છે. પાકિસ્તાની સેનાના પ્રોપગેન્ડા વિંગ ઇન્ટર સર્વિસ પબ્લિક રિલેશન્સના ડાયરેક્ટર જનરલ મેજર જનરલ બાબર ઈફ્તિખારે દાવો કર્યો છે કે આ ઓબ્જેક્ટ (ઈન્ડિયન પ્રોજેકટાઈલ ઈન પાકિસ્તાન) 124 કિલોમીટર પ્રતિ કલાકની ઝડપે પાકિસ્તાની સરહદમાં પ્રવેશ્યું હતું. પાકિસ્તાની સેનાએ એવો પણ દાવો કર્યો છે કે ભારતની આ ફ્લાઇંગ ઓબ્જેક્ટ ખાનેવાલ જિલ્લામાં મિયાં ચન્નુ (મેઇન ચન્નુ ઇન્ડિયન પ્રોજેકટાઈલ)ની પાસે પડી હતી, જેના કારણે આસપાસના વિસ્તારોમાં થોડું નુકસાન થયું છે. જોકે આ દાવાઓ પર ભારત તરફથી હજુ સુધી કોઈ પ્રતિક્રિયા આપવામાં આવી નથી. અગાઉ એવું કહેવામાં આવ્યું હતું કે મિયાં ચન્નુમાં એક ખાનગી વિમાન ક્રેશ થયું હતું.

124 કિમી પ્રતિ કલાકની ઝડપે પાકિસ્તાનમાં પ્રવેશ!

રાવલપિંડીમાં મેજર જનરલ બાબર ઈફ્તિખારે કહ્યું કે પાકિસ્તાને આ ઘટનાની સખત નિંદા કરી અને ભારત પાસેથી ખુલાસો માંગ્યો છે. તેમણે દાવો કર્યો હતો કે ઉડતી વસ્તુ ભારતમાંથી પાકિસ્તાનમાં પ્રવેશતી વખતે 124 કિલોમીટર પ્રતિ કલાકની ઝડપે મુસાફરી કરે છે. તેમણે કહ્યું કે અમે સમયસર વસ્તુ શોધી કાઢી અને સ્ટાન્ડર્ડ ઓપરેટિંગ પ્રોસિજર (SOP) મુજબ જરૂરી કાર્યવાહી કરી. બાબરે એમ પણ કહ્યું કે આ ઘટનાને કારણે કોઈ જાનહાનિ થઈ નથી.

આ ઓબ્જેક્ટ 9 માર્ચે પાકિસ્તાની એરસ્પેસમાં પ્રવેશ્યું હતું

DG ISPRએ કહ્યું કે 9 માર્ચે સાંજે 6:43 કલાકે પાકિસ્તાન એરફોર્સના એર ડિફેન્સ ઓપરેશન સેન્ટરે ભારતીય સીમાની અંદર એક હાઈ-સ્પીડ ફ્લાઈંગ ઓબ્જેક્ટને ટ્રેક કર્યું હતું. બાદમાં તે તેના પ્રારંભિક માર્ગથી ભટકી ગયું અને પાકિસ્તાની ક્ષેત્રમાં પ્રવેશ્યું અને ક્રેશ થયું. આના કારણે પાકિસ્તાનના નાગરિક પ્રતિષ્ઠાનને થોડું નુકસાન થયું હતું પરંતુ કોઈ જાનહાનિ થઈ ન હતી. ત્યારબાદ પાકિસ્તાની વાયુસેનાએ વ્યૂહાત્મક કાર્યવાહી શરૂ કરી છે.

પાકિસ્તાનનો દાવો- મોટી દુર્ઘટના થઈ શકે છે

પાકિસ્તાને દાવો કર્યો હતો કે આ ઑબ્જેક્ટના ફ્લાઇટ પાથથી પાકિસ્તાન અને ભારત બંનેના નાગરિકો જોખમમાં છે. પાકિસ્તાને ભારતને સવાલ પૂછ્યો કે આનું કારણ શું છે? પાકિસ્તાને એવો પણ આક્ષેપ કર્યો હતો કે આનાથી ભારતના ઉડ્ડયન પર ખરાબ અસર પડી શકે છે. ઈફ્તિખાર બાબરે તો ત્યાં સુધી કહ્યું કે આનાથી મોટી ઉડ્ડયન દુર્ઘટના થઈ શકે છે.