પૂર્વ IPSના ઘરે રેડ, 650 લોકરમાંથી મળી આવ્યા અધધ રૂપિયા

છેલ્લા 3 દિવસથી ઈન્કમ ટેક્સની કાર્યવાહી ચાલું છે
યુપી કેડરના પૂર્વ IPS આરએન સિંહના ઘરે દરોડા
આ રેડમાં કુલ કેટલી રકમ મળી આવી તે હજી સ્પષ્ટ નથી

સામાન્ય માણસનું બજેટ ભલે બગડી જાય, પરંતુ કેટલાક લોકો એવા હોય છે જેમનું બજેટ હંમેશા સદાબહાર રહે છે. આ દિવસોમાં આવા લોકો આવકવેરા વિભાગના નિશાના પર છે. નોઈડામાં યુપી કેડરના પૂર્વ આઈપીએસ અધિકારી આરએન સિંહના ઘરે છેલ્લા 3 દિવસથી ઈન્કમ ટેક્સ વિભાગના દરોડા ચાલુ છે.

વાસ્તવમાં આરએન સિંહનો પુત્ર તેના ઘરના ભોંયરામાં ખાનગી લોકર ફર્મ ચલાવે છે. આ લોકર્સ ભાડે આપવામાં આવે છે. આવકવેરા વિભાગે અહીં સર્ચ ઓપરેશનમાં કરોડો રૂપિયાની રિકવરી કરી છે. જો કે તે સ્પષ્ટ નથી કે પૈસા કોના છે? સર્ચ ઓપરેશન હજુ ચાલુ છે. આ તિજોરીમાં 650 લોકર હોવાનું કહેવાય છે.

આરએન સિંહ યુપીમાં ડીજી પ્રોસિક્યુશન રહી ચૂક્યા છે. તેઓ કહે છે કે આ પેઢી તેનો પુત્ર ચલાવે છે, તે કમિશનના ધોરણે લોકર ભાડે આપે છે, તેમના પણ 2 લોકર છે પરંતુ તેમાંથી કંઈ નથી મળી આવ્યું.

આ દરોડા દરમિયાન પૂર્વ IPS આરએન સિંહે કહ્યું, હું હાલમાં મારા ગામમાં હતો, મને માહિતી મળી કે આવકવેરાની ટીમ ઘરે તપાસ કરવા આવી છે, તેથી હું તરત જ અહીં આવ્યો, હું IPS ઓફિસર રહી ચૂક્યો છું, મારો પુત્ર અહીં છે. અમે પણ અહીં આવીને રહીએ છીએ, મારો પુત્ર ખાનગી લોકરનું કામ કરે છે જે બેસમેન્ટમાં છે.

પૂર્વ IPS આરએન સિંહે કહ્યું, મારો પુત્ર ભાડે લોકર આપે છે, જે રીતે બેંકો આપે છે, તે બેંકો કરતા વધુ સુવિધા આપે છે, આમાં અમારી પાસે બે લોકર પ્રાઇવેટ છે, અંદર તપાસ ચાલી રહી છે, લગભગ તમામ લોકર ચેક કરવામાં આવ્યા છે, જે કઈ પણ મળ્યું છે તેની તમામ માહિતી અમારી પાસે છે. ઘરના કેટલાક દાગીના ટીમને મળી આવ્યા છે, તેના તમામ દસ્તાવેજો અમારી પાસે છે.