ક્રિકેટના ઈતિહાસની સૌથી અનોખી મેચ, આખી ટીમને મળ્યું 'મેન ઓફ ધ મેચ"

• આ ટીમે પ્રથમ વખત ટેસ્ટમાં આ એવોર્ડ જીત્યો હતો
• ક્રિકેટમાં પ્રથમ વખત મેન ઓફ ધ મેચનો એવોર્ડ ન્યૂઝીલેન્ડની ટીમ અપાયો 
• 1996માં ઈંગ્લેન્ડ અને પાકિસ્તાન વચ્ચે રમાયેલી ODIમાં પણ મેન ઓફ ધ મેચ અપાયો 
  

ક્રિકેટના ઈતિહાસમાં આવી માત્ર ત્રણ મેચ રમાઈ છે જ્યારે મેન ઓફ ધ મેચનો એવોર્ડ ખેલાડીને નહીં પરંતુ સમગ્ર ટીમને આપવામાં આવ્યો હોય. મેન ઓફ ધ મેચ એવોર્ડ ક્રિકેટમાં શ્રેષ્ઠ પ્રદર્શન કરનાર ખેલાડીને આપવામાં આવે છે. પરંતુ શું તમે ક્યારેય જોયું છે કે એક ખેલાડીને નહીં પરંતુ આખી ટીમને મેન ઓફ ધ મેચનો એવોર્ડ મળ્યો હોય. હા, ક્રિકેટના મેદાન પર આવું એક નહીં પરંતુ ત્રણ વખત બન્યું છે, જ્યારે આખી ટીમને મેન ઓફ ધ મેચનો એવોર્ડ આપવામાં આવ્યો હતો.

ક્રિકેટમાં પ્રથમ વખત મેન ઓફ ધ મેચનો એવોર્ડ ન્યૂઝીલેન્ડની ટીમને 1996માં આપવામાં આવ્યો હતો. આ રોમાંચક મેચમાં ન્યૂઝીલેન્ડે વેસ્ટ ઈન્ડિઝને 4 રને હરાવ્યું હતું. લો સ્કોરિંગ મેચમાં 4 બેટ્સમેનોએ રન બનાવ્યા અને 6 બોલરોએ વિકેટ લીધી. તે દિવસોમાં ન્યુઝીલેન્ડની મેચ જીતવી એ વિશ્વ ક્રિકેટમાં મોટી વાત માનવામાં આવતી હતી તેથી આખી ટીમને આ એવોર્ડ આપવામાં આવ્યો હતો. તમને જણાવી દઈએ કે મેન ઓફ ધ મેચને પ્લેયર ઓફ ધ મેચ પણ કહેવામાં આવે છે.

વર્ષ 1996માં ઈંગ્લેન્ડ અને પાકિસ્તાન (ENG vs PAK) વચ્ચે રમાયેલી ODI મેચમાં પણ આવું બન્યું હતું. આ મેચમાં પાકિસ્તાનનો 2 વિકેટે વિજય થયો હતો, મેચમાં પાકિસ્તાનના દરેક બેટ્સમેને રન બનાવ્યા હતા, જ્યારે તમામ બોલરોએ પણ વિકેટો લીધી હતી. શાનદાર ટીમવર્કને જોતા પાકિસ્તાનની આખી ટીમને મેન ઓફ ધ મેચ આપવામાં આવ્યો હતો.

વર્ષ 1999માં ટેસ્ટ ક્રિકેટના ઈતિહાસમાં પ્રથમ વખત કોઈ ટીમને મેન ઓફ ધ મેચ આપવામાં આવ્યો હતો. આ મેચ વેસ્ટ ઈન્ડિઝ અને દક્ષિણ આફ્રિકા વચ્ચે રમાઈ હતી. આ મેચમાં આફ્રિકાએ વેસ્ટ ઈન્ડિઝને 351 રનથી હરાવ્યું અને આખી ટીમને મેન ઓફ ધ મેચનો એવોર્ડ મળ્યો.

મેન ઓફ ધ મેચ નિયમ

એવોર્ડ નક્કી કરતી નિષ્ણાત પેનલમાં મેચ કોમેન્ટેટર, ભૂતપૂર્વ ક્રિકેટરો અને મેચ રેફરીનો સમાવેશ થાય છે. તેઓ સાથે મળીને નક્કી કરે છે કે કયો ખેલાડી 'મેન ઓફ ધ મેચ' અને 'મેન ઓફ ધ સિરીઝ' બનશે. કોમેન્ટેટર્સ સમગ્ર મેચ દરમિયાન દરેક ખેલાડીના પ્રદર્શન પર નજર રાખે છે, તેથી તેમનો અભિપ્રાય ખૂબ જ મહત્વપૂર્ણ છે. મેચમાં સારું પ્રદર્શન કરનાર વ્યક્તિને મેન ઓફ ધ મેચનો એવોર્ડ આપવામાં આવે છે. જ્યારે સમગ્ર શ્રેણીમાં સારું પ્રદર્શન કરનારને મેન ઓફ ધ સિરીઝનો એવોર્ડ મળે છે.