હત્યારા ફેનિલને ફાંસીની સજા, જજે કહ્યું- દંડ દેવો સરળ નથી પણ આ રેરેસ્ટ ઓફ રેર કેસ, ગ્રીષ્માના પરિવારજનો રડી પડ્યા

  • સરકાર અને બચાવ બન્ને પક્ષના વકીલો હાજર રહ્યા
  • ગ્રીષ્માના પરિવારજનો પણ કોર્ટમાં હાજર રહ્યા
 

સુરતના પાસોદરામાં ગત 12 ફેબ્રુઆરીએ સરાજાહેર કરાયેલી ગ્રીષ્મા વેકરિયાની હત્યાના કેસમાં દોષિત ફેનિલ ગોયાણીને કોર્ટેમાં રજૂ કરવામાં આવ્યો છે. આજે કોર્ટમાં સજા સંભળાવવામાં આવી શકે છે. દરમિયાન ફેનિલના ચહેરા પર સહેજ પણ ડર દેખાયો ન હતો. કોર્ટમાં બંને પક્ષના વકીલ સાથે ગ્રીષ્માના પરિવારજનો હાજર રહ્યા છે. દરમિયાન કોર્ટે આ કેસને રેરેસ્ટ ઓફ રેરેસ્ટ માન્યો છે.

કોર્ટ રૂમમાંથી લાઈવ

  • બન્ને પક્ષના વકીલો હાજર
  • ગ્રીષ્માના પરિવારજનો હાજર
  • જજે ઓર્ડર વાંચવાનો શરૂ કર્યો
  • જજે શ્લોક વાંચ્યો
  • દંડ દેવો સરળ નથી, મારી 28 વર્ષની કારકિર્દી છે
  • હત્યાં વખતે ગ્રીષ્મા નિઃસહાય હતી. 12 ઈંચનું ચપ્પુ ગ્રીષ્માના ગળા પર હતું
  • જ્યારે તે આરોપીથી દૂર જવા ઈચ્છતિ હતી ત્યારે ગળા પર ઘા કરતા લોહી નીકળવા લાગ્યું હતું
  • ગાળામાંથી લોહીના ફુવારા ઉડ્યા. ગ્રીષ્મા આરોપીના પગમાં પાડી તો પણ આરોપીને જરાય દયા ન આવી
  • લોકોએ આવો હત્યાનો બનાવ કદાચ જ જોયો હશે. જેને કારણે લોકો તેની અંતિમયાત્રામાં મોટી સંખ્યામાં જોડાયા હતા
  • ​​​​​​​આરોપીમાં પસ્તાવો કે કાયદાનો ડર દેખાયો નથી. કેસ બાદ બહેનને પોતાની તરફેણમાં નિવેદન આપવાનું કહ્યું હતું
  • આરોપીએ ઠંડા કલેજે 2 લોકોની હત્યા કરવાનો પ્રયાસ હતો
  • આ કેસ રેરેસ્ટ ઓફ રેરેસ્ટ માનવામાં આવે છે
  • ગ્રીષ્મા માત્ર 20 વર્ષની હતી તેના પણ સપના હતા
  • પરિવારના સભ્યો કોર્ટ રૂમમાં રડી પડ્યા
  • ફાંસીની સજા આપવામાં આવી
  • 506 પાનાનું જજમેન્ટ

સરકાર પક્ષની દલીલો
ગત 22મીએ આખો દિવસ દલીલો ચાલી હતી, જેમાં સરકારી વકીલે દલીલ કરતાં કહ્યું હતું કે અમારો કેસ માત્ર વીડિયો પર આધારિત નથી. આરોપી ક્રિમિનલ માનસિકતા ધરાવતો હતો અને ગણતરીપૂર્વકની તેણે હત્યા કરી છે. આરોપી ચપ્પુ ખરીદવા માટે ઓનલાઇન ફ્લિપકાર્ટ દ્વારા ઓર્ડર આપ્યો હતો. ઓર્ડર કેન્સલ થયા બાદ તેણે મોલમાંથી ચપ્પુ ખરીદ્યું હતું અને બીજું ચપ્પુ તેના મિત્ર પાસેથી ખરીદ્યું હતું. આરોપીએ હત્યા કરવા પહેલા રેકી પણ કરી હતી. ગુનાના દિવસે તે ગ્રીષ્માની કોલેજમાં તેને શોધવા ગયો હતો. ગ્રીષ્માની મિત્ર ધૃતિને તેણે કહ્યું હતું કે આજે ગ્રીષ્માના ઘરે જઈને કંઈક મોટું કરવાનો છું અને ત્યાર પછી તેણે કહ્યું કે ના હોય તો વાત કરવા જવાનો છું. બનાવ પહેલાં ક્રિષ્ના સાથે તેણે ઇન્સ્ટાગ્રામ પર વાત કરી હતી, જેમાં પણ તેની હત્યા કરવાનો હોય એવું માલૂમ પડે છે. દરેક વાલિયો વાલ્મીકિ બની શકતો નથી. ભય વિના પ્રિત ન થાય. આરોપીને સખતમાં સખત સજા કરવામાં આવે છે. માત્ર ગ્રીષ્માની જ હત્યા નહીં, કાકા અને ભાઈ ધ્રુવની પણ હત્યાનો પ્રયાસ કર્યો હતો.

ગ્રીષ્માની જાહેરમાં ગળું કાપી હત્યા કરાઈ હતી.
ગ્રીષ્માની જાહેરમાં ગળું કાપી હત્યા કરાઈ હતી.

બચાવ પક્ષની દલીલો
બચાવ પક્ષે જણાવ્યું હતું કે, લાડુ માગતો એટલે લટકાવી દો, વેબસિરીઝ જોતો એટલે લટકાવી દો. આવી લાંબી દલીલ કરીને વધુ માર્ક્સ મ��ળવવાનો પ્રયાસ કરાયો છે. જેને ચાલવાનું ભાન ન હોય તે લાડું કેવીરીતે માગે અને ઇનોવા ચોરીમાં ક્યાં એ આરોપી પુરવાર થયો છે. એને પસ્તાવો નથી એવું કહેવામાં આવ્યું એ કોની સામે પસ્તાવો વ્યક્ત કરે. એને પસ્તાવો નથી એવું કેવી રીતે માની લીધું. છરીના ઘામાં સહાનુભૂતિ નથી મેળવી જે ઘા માર્યા તેમાં નસો કપાઈ ગઈ હતી. લિમિટ બહારનું રિપ્રેઝન્ટ કરવામાં આવ્યું છે. આને જો સજા નહીં થાય તો સમાજમાં કોઈ સ્ત્રી સુરક્ષિત રહેશે નહી? કેવી રીતે કહેવામાં આવ્યું. કાયદા કડક કરવાનાં સજા વધારવાના આ ફક્ત પોલિટિક્સ કમ્પઝેશન છે. જ્યાં કેપિટલ પનિસમેન્ટ છે ત્યાં ગુનાખોરી ઘટી જતી નથી. વાલિયો વાલ્મીકિ બનશે તેવું તો એને છૂટો મુકો તો જ ખબર પડશે. આ કોઈ ઓર્ગેનાઈઝ્ડ ક્રાઇમ નથી. ક્રિમિનલોની સંગતમાં ફરતો હોય એવો આ છોકરો નથી. હું બે હાથ જોડીને કહું છું કે ઓછામાં ઓછી સજા કરો. આ કંઈ બહાર આવીને ખૂંખાર આરોપી બની જવાનો નથી.

 
ગ્રીષ્માની હત્યાનો વીડિયોએ મહત્ત્વનો ભાગ ભજવ્યો.

પુરાવારૂપે વીડિયોએ સૌથી મહત્ત્વનો ભાગ ભજવ્યો
સત્ર ન્યાયાધીશ વિમલ કે. વ્યાસની કોર્ટમાં ચાલી રહેલા ગ્રીષ્મા હત્યા કેસમાં પુરાવારૂપે વીડિયોએ સૌથી મહત્વનો ભાગ ભજવ્યો હોવાનું બહાર આવ્યું હતું. ગ્રીષ્માની હત્યા સમયનો જે વીડિયો જોઇને લોકો કહેતા હતા કે કોઈ બચાવવા કેમ ન આવ્યું, એ વીડિયો જ આરોપી માટે ગાળિયારૂપ સાબિત થઈ ગયો છે.

ફેનિલને આકરામાં આકરી સજા માટે સરકાર પક્ષની માગ.
ફેનિલને આકરામાં આકરી સજા માટે સરકાર પક્ષની માગ.

ઘટના શું હતી?
સુરતમાં કામરેજના પાસોદરામાં ગત 12 ફેબ્રુઆરીના રોજ ગ્રીષ્મા વેકરિયાની એકતરફી પ્રેમમાં પાગલ ફેનિલ ગોયાણીએ ગળું કાપી ઘાતકી હત્યા કરી હતી. ત્યાર બાદ હાથની નસ કાપીને ઝેરી દવા પીવાનું નાટક કરી આપઘાતનો પ્રયાસ કર્યો હતો. ગ્રીષ્માની હત્યા કરનારા આરોપી ફેનિલને હોસ્પિટલમાંથી રજા મળતાં પોલીસે કોર્ટમાં રજૂ કરી રિમાન્ડ મેળવ્યા હતા. રિમાન્ડ પૂર્ણ થતાં જ્યુડિશિયલ કસ્ટડીમાં ખસેડાયો હતો. હાલ ફેનિલ લાજપોર જેલમાં બંધ છે.ત્યારે આગામી 5મીના રોજ શું સજા ફેનિલને મળશે તેના પર સૌ કોઈની નજર છે.

Recent Post

Trending Post

Top