IPL 2022: પહેલી મેચમાં ગુજરાતની શાનદાર જીત

IPL 2022: ગુજરાત ટાઈટન્સનો જીતથી 'શુભારંભ' લખનઉને 5 વિકેટથી ટીમની ડેબ્યૂ મેચમાં હરાવ્યું

• ગુજરાતે લખનઉને 5 વિકેટે હરાવ્યું

• કેપ્ટન હાર્દિક પંડ્યાની પહેલી મેચમાં જીત

• રાહુલ તિવેટીયાના શાનદાર 40 રન, હાર્દિકના 33 રન

 

IPL-15માં સોમવારે રમાયેલી મેચમાં ગુજરાત ટાઈટન્સે (GT) 5 વિકેટથી લખનઉ સુપર જાયન્ટ્સ(LSG)ને હરાવી દીધું છે. ટોસ હાર્યા પછી પહેલા બેટિંગ કરતા LSGએ 20 ઓવરમાં 6 વિકેટના નુકસાને 158 રન કર્યા હતા. જેને ગુજરાતની ટીમે 19.4 ઓવરમાં ચેઝ કરી મેચ જીતી લીધી છે. આ દરમિયાન GTના બેટર રાહુલ તેવટિયા અને ડેવિડ મિલર વચ્ચે 34 બોલમાં 60 રનની મેચ વિનિંગ પાર્ટનરશિપ થઈ હતી.

કૃણાલની બોલિંગ પર હાર્દિક કેચ આઉટ

ગુજરાત ટાઈટન્સને જીતવા માટે 159 રનનો ટાર્ગેટ મળ્યો હતો. તેવામાં 15 રનની અંદર 2 વિકેટ ગુમાવ્યા પછી હાર્દિક અને મેથ્યુ વેડ વચ્ચે 57 રનની પાર્ટનરશિપ થઈ હતી. પરંતુ લખનઉના ઓલરાઉન્ડર કૃણાલ પંડ્યાએ પોતાના ભાઈ તથા ગુજરાતના કેપ્ટન હાર્દિક પંડ્યાને આઉટ કર્યો હતો. કૃણાલની ઓવરના પહેલા બોલ પર જ હાર્દિક લોફ્ટેડ શોટ મારવા ગયો હતો. જેનું ટાઈમિંગ ખાસ ન થતા લખનઉના મનીષ પાંડેએ તેનો કેચ પકડી લીધો હતો. તેવામાં શાનદાર લયમાં જોવા મળી રહેલા હાર્દિકની વિકેટ તેના જ ભાઈ કૃણાલે લીધી હતી.

હાર્દિકે ટોસ જીતી પહેલા બોલિંગ પસંદ કરી

વાનખેડેની પિચ પર કેપ્ટન હાર્દિકે ટોસ જીતી પહેલા બોલિંગ પસંદ કરી છે. તેવામાં સિઝનની પહેલી મેચમાં કોલકાતાના ઉમેશ યાદવે ચેન્નઈના બંને ઓપનર્સને આઉટ કરી દીધા હતા. જેના પરિણામે હવે મોહમ્મદ શમીએ પણ લખનઉના કેપ્ટન રાહુલ અને બેટર ડિકોકને આઉટ કરી મેચમાં મજબૂત પકડ બનાવી દીધી હતી. તેવામાં ગુજરાતની ટીમને ટોસ ફળ્યો છે.