કોહલીએ કહ્યું- કેપ્ટન તરીકે આ મારી અંતિમ IPL, T-20 વર્લ્ડ કપ બાદ ભારતીય ટીમના કેપ્ટન પદેથી પણ હટી જશે

વિરાટે વધુમાં જણાવ્યું છે કે પ્રતિભાશાળી ખેલાડીઓથી ભરેલી RCBની કેપ્ટનશીપ કરવી તે એક શાનદાર અને પ્રેરણાત્મક યાત્રા રહી
વિરાટ કોહલી 2013ની સિઝનથી RCBનો કેપ્ટન રહ્યો છે, તેના નેતૃત્વમાં ટીમ ફાઈનલમાં તો ચોક્કસ પહોંચેલી પણ એક પણ વખત ટુર્નામેન્ટ જીતી શકી નથી

વિરાટ કોહલીએ T-20 વર્લ્ડ કપ બાદ ભારતીય ટીમની કેપ્ટનશીપ છોડવાની જાહેરાત કર્યાંના ગણતરીના દિવસ બાદ વધુ એક મોરચે કેપ્ટનશીપ છોડવાનો નિર્ણય કર્યો છે. કોહલીએ IPLની વર્તમાન સિઝન બાદ રોયલ ચેલેન્જર્સ બેંગ્લુરુ (RCB)ની કેપ્ટનશીપ પણ છોડવાનો નિર્ણય કર્યો છે.

RCB તરફથી રવિવારે સોશિયલ મીડિયા પર આ અંગે જાણકારી આપવામાં આવી છે. કોહલીએ IPL-2021માં અંતિમ વખત RCB માટે કેપ્ટનશીપ કરતો દેખાશે. અત્રે ઉલ્લેખનીય છે કે આગામી મહિને શરૂ થનારા T-20 વર્લ્ડ કપ બાદ ભારતીય ટીમની કેપ્ટનશીપ છોડી દેવાની વિરાટ કોહલી અગાઉ જાહેરાત કરી ચુક્યો છે.આ ઉપરાંત વિરાટ કોહલી 2013ની સિઝનથી RCBનો કેપ્ટન રહ્યો છે.

Virat Kohli to step down from RCB captaincy after #IPL2021

“This will be my last IPL as captain of RCB. I’ll continue to be an RCB player till I play my last IPL game. I thank all the RCB fans for believing in me and supporting me.”: Virat Kohli#PlayBold #WeAreChallengers pic.twitter.com/QSIdCT8QQM
— Royal Challengers Bangalore (@RCBTweets) September 19, 2021

કોહલીએ કહ્યું કે RCBના કેપ્ટન તરીકે આ માટી અંતિમ IPL હશે. હું મારી અંતિમ IPL મેચ સુધી RCBનો ખેલાડી તરીકે જળવાઈ રહીશ. મારા પર વિશ્વાસ કરવા અને મારુ સમર્થનન કરવા બદલ હું RCBના તમામ પ્રશંસકોનો આભાર વ્યક્ત કરું છું.

વિરાટે કહ્યું- હું RCBનો આભાર વ્યક્ત કરવા ઈચ્છું છું
વિરાટે વધુમાં જણાવ્યું છે કે પ્રતિભાશાળી ખેલાડીઓથી ભરેલી RCBની કેપ્ટનશીપ કરવી તે એક શાનદાર અને પ્રેરણાત્મક યાત્રા રહી છે. હું આ પ્રસંગે RCBનો આભાર વ્યક્ત કરવા ઈચ્છું છું. મેનેજમેન્ટ, કોચ, સહયોગી સ્ટાફ, ખેલાડી અને સમગ્ર RCB પરિવારે અનેક વર્ષો સુધી મહત્વની જવાબદારી નિભાવી છે. આ એક સરળ નિર્ણય ન હતો. RCB મારા હૃદયની નજીક છે. કારણ કે અમે શ્રેષ્ઠતા હાંસલ કરવાના પ્રયત્નો સતત કરતાં રહીએ છીએ.

RCBના CEO પ્રથમેશ મિશ્રાએ કહ્યું- નિર્ણયનું સન્માન અને સમર્થન કરી છીએ
RCBના CEO પ્રથમેશ મિશ્રાએ કહ્યું કે વિરાટ કોહલી ખૂબ જ સારા ક્રિકેટર પૈકીનો એક છે. તેનું નેતૃત્વ કૌશલ અદભૂત રહ્યું છે. અમે તેના નિર્ણયનું સન્માન અને સમર્થન કરી છીએ. વિરાટને RCB નેતૃત્વ સમૂહમાં તેના અવિશ્વસનીય યોગદાન માટે આભાર વ્યક્ત કરવા ઈચ્છીએ છીએ.

બેટિંગ પર વિશેષ ધ્યાન આપવા ઈચ્છે છે વિરાટ
વિરાટે અગાઉ જ્યારે T-20 ટીમની કેપ્ટનશીપ છોડી ત્યારે કહ્યું હતું કે ટેસ્ટ અને વનડે ટીમની કેપ્ટનશીપ જાળવી રાખવામાં આવશે. વિરાટ હવે બેટિંગ પર વિશેષ ધ્યાન આપવા ઈચ્છે છે. છેલ્લા બે વર્ષથી તેનું બેટિંગ પર્ફોમ્સ નબળું રહ્યું છે. તે લાંબા સમયથી આંતરરાષ્ટ્રીય સ્તરે સદી ફટકારી શક્યો નથી.

વર્ષ 2013માં બન્યો હતો RCBનો કેપ્ટન
વિરાટ કોહલી 2013ની સિઝનથી RCBનો કેપ્ટન રહ્યો છે. તેના નેતૃત્વમાં ટીમ ફાઈનલમાં તો ચોક્કસ પહોંચેલી પણ એક પણ વખત ટુર્નામેન્ટ જીતી શકી નથી. વિરાટે IPLમાં અત્યાર સુધીમાં 132 મેચમાં ટીમનું નેતૃત્વ કર્યું છે. આ પૈકી 60માં RCBન જીત મળી છે. 65 મેચમાં હારનો સામનો કરવો પડ્યો છે. 3 મેચ ટાઈ રહી છે અને 4 મેચમાં કોઈ પરિણામ આવી શક્યું નથી.