IPL 2022 બેંગ્લોરે લખનઉને 14 રનથી હરાવી ક્વોલિફાયર-2 માં પહોંચ્યું

હેઝલવુડની 3,હર્ષલ-સિરાજ-હસરંગાની 1 વિકેટ
કે. એલ. રાહુલના 58 બોલમાં અદભૂત 79 રન
બેંગ્લોર ક્વોલિફાયર-2 માં પહોંચ્યું

IPL 2022ની એલિમિનેટર મેચમાં રોયલ ચેલેન્જર બેંગ્લોરે 14 રનથી લખનઉ સુપર જાયન્ટ્સને હરાવી દીધું છે. RCBએ જીતવા માટે LSGને 208 રનનો ટાર્ગેટ આપ્યો હતો, જેના જવાબમાં લખનઉ 20 ઓવરમાં 6 વિકેટના નુકસાને 193 રનનો સ્કોર જ નોંધાવી શકતા મેચ હારી ગયું છે. આ દરમિયાન LSGના કેપ્ટન રાહુલે 58 બોલમાં 79 રન કર્યા હતા, જ્યારે બીજી બાજુ RCBના હેઝલવુડે 3 મહત્ત્વપૂર્ણ વિકેટ લીધી હતી.

અમદાવાદમાં RCB v/s RRની મેચ
ક્વોલિફાયર-2માં હવે રાજસ્થાન રોયલ્સ અને રોયલ ચેલેન્જર બેંગ્લોર વચ્ચે મેચ અમદાવાદના નરેન્દ્ર મોદી સ્ટેડિયમમાં રમાશે. આ મેચ 27 મેના દિવસ આયોજિત થશે. આમાંથી જે ટીમ મેચ જીતશે તે 29 મેના દિવસે ગુજરાત ટાઈટન્સ સામે ફાઈનલ મેચ રમશે.

કોહલી અને પાટીદાર વચ્ચે શાનદાર પાર્ટનરશિપ, મેક્સવેલ ફ્લોપ

પહેલી વિકેટ વહેલી પડી ગયા પછી વિરાટ કોહલી અને રજત પાટીદારે RCBની ઇનિંગ સંભાળી હતી.
બીજી વિકેટ માટે બંને વચ્ચે 46 બોલમાં 66 રનની પાર્ટનરશિપ થઈ હતી.
જોકે ત્યારપછી કોહલીને 25 બોલમાં 24 રન કરી આવેશ ખાને આઉટ થયો હતો.
વિરાટ વિકેટ પછી ગ્લેન મેક્સવેલ પણ લાંબો સમય બેટિંગ કરી શક્યો નહોતો અને 10 બોલમાં 9 રન કરીને આઉટ થયો હતો. તેની વિકેટ કૃણાલ પંડ્યાએ લીધી હતી.

રજતે કૃણાલની એક ઓવરમાં 20 રન કર્યા

RCBની ઇનિંગ્સની છઠ્ઠી ઓવરમાં રજત પાટીદારે લખનઉના કૃણાલ પંડ્યાનો સામનો કર્યો હતો.
પાવરપ્લેની છેલ્લી ઓવરમાં પાટીદારે 20 રન કર્યા હતા.
જે ઓવરના પહેલા બોલ પર કોહલીએ સિંગલ લીધો અને પાટીદારને સ્ટ્રાઈક આપી, આ ઓવર પંડ્યા માટે દુઃસ્વપ્ન બની ગઈ.
પાટીદારે ઓવરના બીજા અને ત્રીજા બોલ પર સતત બે ચોગ્ગા ફટકાર્યા હતા.
ચોથા બોલ પર એક છગ્ગો અને પાંચમા બોલ પર બીજો ચોગ્ગો ફટકારી પાટીદારે આક્રમક બેટિંગ કરી હતી.
છેલ્લા બોલ પર સિંગલ લઈને રજત પાટીદારે સ્ટ્રાઈક પોતાની સાથે રાખી હતી.

કે.એલ.રાહુલની વિસ્ફોટક બેટિંગ

લખનઉના કેપ્ટન કે.એલ.રાહુલે 58 બોલમાં 3 ચોગ્ગા 5 છગ્ગા સાથે 79 રનની શાનદાર ઇનિંગ રમી હતી. આ સાથે જ દીપક હુડાએ 45 રન કર્યા હતા.

બંને ટીમોની પ્લેઈંગ 11

બેંગ્લોર - કેએલ રાહુલ, ક્વિન્ટન ડી કોક, એવિન લુઈસ, દીપક હુડા, મનન વોહરા, કૃણાલ પંડયા, માર્કસ સ્ટોઈનિસ, રવિ બિશ્નોઈ, દુષ્મંથા ચમીરા, મોહસીન ખાન, અવેશ ખાન

લખનઉ - ફાફ ડુ પ્લેસિસ, વિરાટ કોહલી, રજત પાટીદાર, ગ્લેન મેક્સવેલ, શાહબાઝ અહેમદ, મહિપાલ લોમર, દિનેશ કાર્તિક, વાનિન્દુ હસરંગા, જોશ હેઝલવુડ, મોહમ્મદ સિરાજ, હર્ષલ પટેલ.