IPL 2022 રાજસ્થાને બેંગ્લોરને 7 વિકેટથી હરાવી ફાઇનલમાં પહોંચ્યું

હેઝલવુડની 2, હસરંગાની 1 વિકેટ
જોસ બટલરના 60 બોલમાં શાનદાર 106 રન
રાજસ્થાન ફાઇનલમાં ગુજરાત સાથે ટકરાશે

IPL 2022ની ક્વોલિફાયર-2 મેચમાં રાજસ્થાન રોયલ્સે 7 વિકેટથી રોયલ ચેલેન્જર બેંગ્લોરને હરાવી દીધું છે. આની સાથે જ રાજસ્થાને ફાઈનલમાં રોયલ એન્ટ્રી મારી દીધી છે. હવે 29 મેના દિવસે ગુજરાત ટાઈટન્સ અને રાજસ્થાન રોયલ્સ વચ્ચે ટાઈટલ મેચ રમાશે.

RR સામે જીતવા માટે 158 રનનો ટાર્ગેટ હતો, જેને ટીમે 11 બોલ પહેલા ચેઝ કરી મેચ જીતી લીધી છે. આ દરમિયાન જોસ બટલરે 60 બોલમાં 10 ચોગ્ગા અને 6 છગ્ગા ફટકારી 106* રન કર્યા હતા.

જોસ બટલરની IPL 2022માં 4થી સદી

રાજસ્થાનના જોસ બટલરે 60 બોલમાં 10 ચોગ્ગા 6 છગ્ગા સાથે 106 રનની શાનદાર ઇનિંગ રમી હતી. કેપ્ટન સંજુ સેમસને 21 બોલમાં 23 રન કર્યા હતા

યશસ્વી અને બટલરની શાનદાર શરૂઆત
158 રનના ટાર્ગેટને ચેઝ કરવા ઉતરેલી રાજસ્થાનની શરૂઆત શાનદાર રહી હતી. આ દરમિયાન પહેલી વિકેટ માટે જોસ બટલર અને યશસ્વી જયસ્વાલ વચ્ચે 31 બોલમાં 61 રનની શાનદાર પાર્ટનરશિપ નોંધાઈ હતી. જોકે ત્યારપછી જોશ હેઝલવુડે ફુલર લેન્થ બોલ પર જયસ્વાલને પેવેલિયન ભેગો કર્યો હતો.

બંને ટીમની પ્લેઈંગ 11

રાજસ્થાન – જોસ બટલર, યશસ્વી જયસ્વાલ, સંજુ સેમસન, દેવદત્ત પડ્ડીકલ, શિમરોન હેટમાયર, રિયાન પરાગ, રવિચંદ્રન અશ્વિન, ટ્રેંટ બોલ્ટ, યુઝવેન્દ્ર ચહલ, પ્રસિદ્ધ કૃષ્ણા, ઓબેદ મેકકોય

બેંગ્લોર - ફાફ ડુ પ્લેસિસ, વિરાટ કોહલી, રજત પાટીદાર, ગ્લેન મેક્સવેલ, મહિપાલ લોમરોર, દિનેશ કાર્તિક, શાહબાઝ અહેમદ, વાણિદુ હસરંગા, હર્ષલ પટેલ, જોશ હેઝલવુડ, મોહમ્મદ સિરાજ