દક્ષિણ કોરિયામાં 151 લોકોનાં મોત, એક કાર પણ પાર્ક ન કરી શકાય એટલી સાંકડી શેરીમાં લાખોની મેદની એકઠી થઈ હતી

• જ્યાં અકસ્માત થયો તે શેરી એટલી સાંકડી હતી કે એમ્બ્યુલન્સ પહોંચી શકી ન હતી.
• લોકો ડાન્સ કરી રહ્યા હતા અને તેના કારણે રસ્તો બ્લોક થઈ ગયો હતો
• અકસ્માત સ્થળે જ લોકોના સીપીઆર શરૂ કરવામાં આવ્યા હતા

દક્ષિણ કોરિયાની રાજધાની સિઓલના ઇટાવોનમાં ચારેયબાજુ લાશોના ઢગલા છે. આ ભયાનક અકસ્માતમાં 151 લોકોના મોત થયા છે અને ઘણા લોકો ઘાયલ થયા છે. હેલોવીન દરમિયાન નાસભાગ બાદ ઘણા લોકો હાર્ટ એટેકને કારણે જોત જોતામાં મોતને ભેટયા હતા. આ ઘટનાનો વીડિયો ખૂબ ભયાનક છે. જ્યાં કાર્યક્રમ ચાલી રહ્યો હતો અને જે જગ્યાએ અકસ્માત થયો હતો ત્યાં ગલી એટલી સાંકડી હતી કે લોકોને શ્વાસ લેવો મુશ્કેલ હતો. ઝડપથી વાયરલ થઈ રહેલા એક વીડિયોમાં જોઈ શકાય છે કે કેવી રીતે લોકો તેમના પ્રિયજનોને પાછા લાવવા માટે CPR આપવાનો પ્રયાસ કરી રહ્યા છે.

લોકોને હાર્ટ એટેક આવ્યો

ઇટાવોનમાં જે જગ્યાએ અકસ્માત થયો હતો ત્યાં શેરી એટલી સાંકડી હતી કે એમ્બ્યુલન્સ પહોંચી શકતી નહોતી. લોકો ડાન્સ કરી રહ્યા હતા અને તેના કારણે રસ્તો બ્લોક થઈ ગયો હતો. આવી સ્થિતિમાં મેડિકલ ટેકનિશિયનોએ અકસ્માત સ્થળે જ લોકોને સીપીઆર આપવાનું શરૂ કર્યું. 100થી વધુ લોકોની હાલત ગંભીર હોવાનું કહેવાય છે. અધિકારીઓએ આ વાતને સંપૂર્ણપણે નકારી કાઢી છે કે અહીં હાજર લોકોએ કોઈપણ પ્રકારનું ડ્રગ્સ લીધું હતું. સિઓલમાં કોવિડ પ્રતિબંધો હટાવ્યા પછી પ્રથમ હેલોવીન ઇવેન્ટ હતી જેમાં લાખો લોકોએ હાજરી આપી હતી.

સેંકડો લોકો હાજર હતા

ઇટાવોનમાં હેમિલ્ટન હોટેલ નજીક એક સાંકડી ગલીમાં ભાગ લેવા માટે સેંકડો લોકો એકઠા થયા હતા. દક્ષિણ કોરિયાના મીડિયા અનુસાર, પ્રથમ ઈમરજન્સી સેવા સ્થાનિક સમય અનુસાર રાત્રે 10:22 વાગ્યે આવી. આ શેરીમાં એક લાખથી વધુ લોકો હાજર હતા. એવું કહેવામાં આવી રહ્યું છે કે ભીડ હોટલમાંથી બહાર આવી રહી હતી અને સાથે જ કેટલાક લોકો ઇટાવોન સબવે સ્ટેશનની બાજુથી પણ આવી રહ્યા હતા.

સેડાન કાર પણ પાર્ક ના થઇ શકે તેટલી સાંકડી ગલી

કોરિયન મીડિયાના અહેવાલમાં કહેવામાં આવ્યું છે કે લોકો એક અનામી સેલિબ્રિટીને જોઈને પાગલ થઈ ગયા હતા અને પછી તેમનું ગાંડપણ આ અકસ્માતનું કારણ બની ગયું હતું. અહેવાલો કહે છે કે જ્યાં નાસભાગ થઈ હતી તે શેરી માત્ર ચાર મીટર પહોળી છે. આ ગલી એટલી સાંકડી છે કે અહીં સેડાન કાર પાર્ક કરવી પણ મુશ્કેલ છે. જેમ જેમ ટોળાએ એકબીજાને ધક્કો મારવાનું શરૂ કર્યું તેમ તેમ લોકો એકબીજા પર પડવા લાગ્યા. ત્યારબાદ લોકોનો શ્વાસ રૂંધાયો અને તેમને હાર્ટ એટેક આવ્યો.

 

વધુ એક્સાઈટમેન્ટના કારણે કાર્ડિયાક એરેસ્ટ આવી શકે છે
ડોક્ટરોના મતે સામાન્ય વ્યક્તિને પણ કાર્ડિયાક અરેસ્ટ આવી શકે છે. કેટલીક વાર વધુ એક્સાઈટમેન્ટના કારણે 'એડ એનર્જી ડ્રાઈવ' વધી જાય છે. હાર્ટ કોલોપ્સ થઈ જાય છે. સ્નાયુઓની મજબૂતાઈને કારણે 'એડ એનર્જી ડ્રાઈવ' દરમિયાન હૃદયના સંકોચનમાં વધારો થવાના કિસ્સાઓ પણ સામે આવ્યા છે. આવા સમયે હૃદયની લય બગડે છે અને કાર્ડિયાક અરેસ્ટને કારણે અચાનક મૃત્યુ પણ થાય છે.

10 પોઈન્ટમાં જાણો કે આ દુર્ઘટના કેવી રીતે થઈ?

1. હેમિલ્ટન હોટેલ પાસે ઇટાવોનની સાંકડી ગલીમાં લાખો લોકો ભેગા થયા હતા. કોરોના પ્રતિબંધો હટાવ્યા બાદ પ્રથમ હેલોવીન ઈવેન્ટ સિઓલમાં યોજાઈ હતી.

2. સાઉથ કોરિયાના મીડિયા અનુસાર, રાત્રે લગભગ 10:22 વાગ્યે પહેલી ઈમર્જન્સીની માહિતી મળી હતી. આ પછી બચાવ કાર્ય શરૂ કરવામાં આવ્યું હતું, પરંતુ ભીડને કારણે મેડિકલ ટીમને પહોંચવામાં સમય લાગ્યો હતો.

3. એવું કહેવામાં આવી રહ્યું છે કે માત્ર ચાર મીટર પહોળા રસ્તા પર લગભગ એક લાખ લોકો હાજર હતા. ઇટાઓન સબવે સ્ટેશન અને હોટલથી મોટી ભીડ ઘટના સ્થળે પહોંચી રહી હતી.

4. કોરિયન મીડિયા અનુસાર, એક સેલિબ્રિટી સાંકડી શેરીમાં નાઇટ સ્પોટ્સ સાથે હાજર એક એસ્ટાબ્લિશમેન્ટમાં જોવા મળી હતી, ત્યારબાદ ભીડ નોંધપાત્ર રીતે વધી ગઈ હતી.

5. અહેવાલોમાં દા���ો કરવામાં આવ્યો છે કે જ્યાં નાસભાગ થઈ હતી તે શેરી માત્ર ચાર મીટર પહોળી હતી. જગ્યા એટલી નાની છે કે તેમાં સેડાન કાર પણ પાર્ક કરી શકાય નહીં.

6. નાસભાગ દરમિયાન લોકો એકબીજાને ધક્કા મારવા લાગ્યા. જેના કારણે લોકો એકબીજા પર પડવા લાગ્યા.

7. નાસભાગ થતાં જ લોકોની હાલત ખરાબ થવા લાગી. આ દરમિયાન, ઘણા લોકો ગૂંગળામણથી મોતને ભેટ્યા અને અનેકને કાર્ડિયાક અરેસ્ટ આવ્યો.

8. ભીડને કારણે એમ્બ્યુલન્સ પીડિતો સુધી પહોંચી શકી ન હતી. આ દરમિયાન, પોલીસકર્મીઓ કારની છત પર ઊભા રહ્યા અને ભીડને રસ્તો છોડી દેવાની સૂચના આપી, જેથી એમ્બ્યુલન્સ માટે રસ્તો બનાવી શકાય.

9. નાસભાગ બાદ પણ ઘણા લોકો મસ્તી કરતા જોવા મળ્યા હતા. બચાવ કામગીરી દરમિયાન પણ તેઓએ માર્ગમાં અવરોધ ઊભો કર્યો હતો.

10. ભીડ અને સાંકડી ગલીના કારણે જ્યારે એમ્બ્યુલન્સ ઘટનાસ્થળે પહોંચી શકી ન હતી, ત્યારે મેડિકલ ટીમે ઘટનાસ્થળે જ પીડિતોને CPR આપ્યું હતું.