અમદાવાદ: ઇન્કમટેક્સ વિભાગ દ્વારા મેગા સર્ચ ઓપરેશન, 20 સ્થળોએ દરોડા

બાગબાન ગ્રુપને ત્યાં આઈટીના મેગા સર્ચ ઓપરેશન
15થી 20 સ્થળોએ તમાકુનું ઉત્પાદન કરતા ગ્રુપ પર દરોડા
સિંધુભવન રોડ ઉપર આવેલ ઊર્મિલ બંગલોમાં તપાસ શરૂ

અમદાવાદમાં ઇન્કમટેકસ વિભાગ દ્વારા મેગા સર્ચ ઓપરેશન હાથ ધરવામાં આવ્યું છે. જેમાં 15થી 20 સ્થળોએ તમાકુનું ઉત્પાદન કરતા બાગબાન ગ્રુપ ઉપર દરોડાની કાર્યવાહી ચાલી રહી છે.

એટલું જ નહીં સિંધુભવન રોડ ઉપર આવેલ ઊર્મિલ બંગલોમાં રહેતા કૌશિક મજેઠીયા, રાજ્ય મજેઠીયા અને તેજસ મજેઠીયાના નિવાસ્થાને પણ દરોડા પડ્યા છે.

સો કરોડના બિનહિસાબી નાણાકીય વ્યવહારો પકડાયા

તમાકુનું ઉત્પાદન કરતી બાગબાન ગ્રુપ કંપનીએ રિયલ એસ્ટેટમાં પણ કરોડો રૂપિયાનું રોકાણ કર્યું હોવાની વિગતો દરોડા દરમિયાન બહાર આવી છે. એટલું જ નહીં બેનામી મિલકતો વસાવ્યું હોવાનું પણ પ્રાથમિક તપાસમાં બહાર આવ્યું છે. દરોડા દરમિયાન સો કરોડના બિનહિસાબી નાણાકીય વ્યવહારો પકડાયા છે. એટલું જ નહીં રોકડ રકમ અને જવેરાત પણ મોટી માત્રામાં પકડાયું છે જેનું વેલ્યુએશન ચાલી રહ્યું છે.