સિંગર જુબિન નૌટિયાલ અને અભિનેત્રી નિકિતા દત્તાએ ચુપચાપ સગાઈ કરી લીધી

સિંગર જુબિન નૌટિયાલ અને અભિનેત્રી નિકિતા દત્તાએ ચુપચાપ સગાઈ કરી લીધી

• જુબિન અને નિકિતાએ ગુપચુપ રીતે સગાઈ કરી લીધી

અભિનેત્રી નિકિતા દત્તા અને બોલિવૂડના લોકપ્રિય ગાયક જુબિન નૌટિયાલ છેલ્લા ઘણા સમયથી રિલેશનશિપમાં હોવાની ખબરો સામે આવી રહી છે. 24 માર્ચે સાંજે જુબિન અને નિકિતાએ ગુપચુપ રીતે સગાઈ કરી લીધી હોવાની ખબરો સામે આવી છે. જણાવી દઈએ કે જુબિનના ઉત્તરાખંડ સ્થિત ઘરે નિકિતા તેમના પરિવારજનોને મળી હતી. ત્યારબાદ તેમણે સગાઈ કરી હોવાના અહેવાલો સામે આવ્યા છે. બોલિવૂડમાં પોતાના સુરીલા અવાજથી અનોખી ઓળખ બનાવનારા ગાયક જુબિન નૌટિયાલ અને ટેલિવૂડની જાણીતી અભિનેત્રી નિકિતા દત્તા વચ્ચે સિરિયસ રિલેશશિપ હોવાની ખબરો ઘણા સમયથી ચાલી રહી છે.

 

આજે સોશિયલ મીડિયા પર જુબિન ગર્લફ્રેન્ડ નિકિતાને રિંગ પહેરાવતો જોવા મળી રહ્યો છે. આ વાઇરલ તસવીરો નિહાળ્યા બાદ તેમના લગ્નની આતુરપૂર્વક રાહ જોઈ રહ્યા છે. જુબિન આ તસવીરોમાં ડાર્ક બ્લૂ કલરની શેરવાની પહેરેલો જોઈ શકાય છે. જ્યારે અભિનેત્રી નિકિતા દત્તાએ પિન્ક કલરનો નેટ લહેંગો કેરી કર્યો છે. આ તસવીરોમાં જોઈ શકાય છે કે જુબિન એક ઘૂંટણ પર બેસીને ગર્લફ્રેન્ડ નિકિતાને રિંગ પહેરાવી રહ્યો છે. તેમના ફેન્સ માની રહ્યા છે કે, આ સ્ટાર કપલે સગાઈ કરી લીધી છે. ખરેખરમાં તેઓ બન્ને એક મ્યુઝિક વીડિયોમાં સાથે કામ કરી રહ્યા છે.