શરદી-ખાંસીને સામાન્ય ન ગણશો, કર્ણાટક-હરિયાણામાં H3N2થી બે લોકોનાં મોત

• દેશભરમાં H3N2 વાયરસના 90 કેસ છે
• અત્યાર સુધીમાં H1N1 ના 8 કેસ નોંધાયા છે
• હરિયાણાની હોસ્પિટલોમાં દર્દીઓમાં 40%નો વધારો

બે વર્ષથી કોરોનાના ભયના ઓથાર હેઠળ જીવતા આપણે જ્યાં રાહતનો શ્વાસ લીધો કે તરત જ દેશના અનેક રાજ્યોમાં ઈન્ફલ્યુએન્ઝાનો પ્રકોપ વધી રહ્યો છે. ચિંતાની વાત એ છે કે H3N2 વાયરસના કારણે અત્યાર સુધીમાં બે લોકોના મોત થયા છે. આ વાયરસને કારણે હરિયાણામાં એક અને કર્ણાટકમાં એકનું મોત થયું છે. દેશભરમાં H3N2 વાયરસના 90 કેસ છે. અત્યાર સુધીમાં H1N1 ના 8 કેસ નોંધાયા છે. ઈન્ફલ્યુએન્ઝા ત્રણ પ્રકારના હોય છે, જેમ કે H1N1, H3N2 અને ઈન્ફલ્યુએન્ઝા B, જેને યમ ગાતા કહે છે. હાલમાં ભારતમાં બે પ્રકારના ઈન્ફલ્યુએન્ઝા વાયરસ H1N1 અને H3N2ની હાજરી છે.

સમગ્ર દેશમાં ઈન્ફલ્યુએન્ઝાના કેસ ઝડપથી વધી રહ્યા છે. આમાંના મોટાભાગના કેસો ફક્ત H3N2 ના છે. આ વાયરસને હોંગ-કોંગ ફ્લૂ પણ કહેવામાં આવે છે. સામાન્ય રીતે ઈન્ફલ્યુએન્ઝામાં ઉધરસ, શરદી, શ્વાસ લેવામાં તકલીફ અને કફ જેવી ફરિયાદો હોઈ શકે છે. દર્દીઓએ ગળામાં દુખાવો, શરીરમાં દુખાવો અને ઝાડા થવાની પણ ફરિયાદ રહે છે.

હરિયાણાની હોસ્પિટલોમાં દર્દીઓમાં 40%નો વધારો

હરિયાણામાં ઈન્ફલ્યુએન્ઝાના કેસ ઝડપથી વધી રહ્યા છે. અહીંની હોસ્પિટલોમાં દર્દીઓની સંખ્યામાં 40%નો વધારો થયો છે. અહીં સરકાર પણ એલર્ટ પર છે અને આરોગ્ય વિભાગે અહીંના અધિકારીઓને તૈયાર રહેવા જણાવ્યું છે. ઉત્તર પ્રદેશ, આંધ્ર પ્રદેશ જેવા રાજ્યોમાં પણ તેના કેસ ઝડપથી વધી રહ્યા છે. આંધ્રપ્રદેશમાં આરોગ્ય મંત્રી વેદાલા રાજાનીએ પરિવારોને અપીલ કરી છે કે જો લક્ષણો જોવા મળે તો બાળકોને શાળાએ ન મોકલો.

ઈન્ફલ્યુએન્ઝાના કેસ 6 મહિનામાં 200%નો વધારો

નિષ્ણાતો કહે છે કે છેલ્લા 6 મહિનામાં ઈન્ફલ્યુએન્ઝાના કેસમાં 200 ટકાનો વધારો થયો છે. આના મુખ્ય ત્રણ કારણો છે. તેમાં નવેમ્બરથી જાન્યુઆરી સુધીની શિયાળાની ઋતુ, વાયુ પ્રદૂષણમાં વધારો અને વાયરલ ઇન્ફેક્શનનો સમાવેશ થાય છે. નિષ્ણાતોનું કહેવું છે કે દેશમાં કોરોનાના કેસ ઘટી રહ્યા છે, પરંતુ ઉધરસ, શરદી અને તાવના કેસ ઝડપથી વધી રહ્યા છે, જે ઈન્ફલ્યુએન્ઝા વાયરસના કારણે થઈ રહ્યા છે.

Source : Sandesh