સેનાએ લશ્કરનાં 5 આંતકવાદીઓને માર્યા ઠાર, સર્ચ ઓપરેશન ચાલુ

• સેના દ્વારા માર્યા ગયેલા આતંકીઓનો આંકડો 5 એ પહોંચ્યો
  
• ઠાર કરાયેલા વધુ 3 આતંકીઓની કરાઈ રહી છે ઓળખ
• સેના અને પોલીસનું સંયુક્ત સર્ચ ઓપરેશન

ગુરુવારે જમ્મુ અને કાશ્મીરના કુપવાડા જિલ્લામાં મચ્છલ સેક્ટરમાં આતંકવાદીઓ અને સુરક્ષા જવાનો વચ્ચેની અથડામણમાં ત્રણ લશ્કર-એ-તૈયબાના આતંકવાદીઓ માર્યા ગયા હતા, પોલીસે જણાવ્યું હતું કે ''આ આંકડો પાંચ પર પહોંચી ગયો છે. કાશ્મીરનાં એડીશનલ જનરલ ઓફ પોલીસે જણાવ્યું હતું કે "લશ્કરનાં વધુ ત્રણ આતંકવાદીઓ માર્યા ગયા. તેમની ઓળખ કરવામાં આવી રહી છે. સર્ચ ઓપરેશન ચાલુ છે."

રાજૌરીમાં ત્રીજા દિવસે પણ અભિયાન ચાલુ 

રાજૌરીમાં આતંકવાદીઓને પકડવાનું ઓપરેશન ત્રીજા દિવસે પણ ચાલુ છે. રાજૌરી જિલ્લાના કાલાકોટના જંગલ વિસ્તારમાં છુપાયેલા શંકાસ્પદ આતંકવાદીઓને શોધવાના હેતુથી કોર્ડન અને સર્ચ ઓપરેશન આજે પણ ચાલુ છે. સોમવારે આતંકવાદીઓ સાથેની અથડામણ બાદ ઓપરેશન શરૂ કરવામાં આવ્યું હતું, જેમાં સેનાના બે જવાન ઘાયલ થયા હતા.

વધુ વિગતોની રાહ જોવાઈ રહી છે.

દિવસની શરૂઆતમાં જમ્મુ અને કાશ્મીર પોલીસ સાથેના સંયુક્ત ઓપરેશનમાં ભારતીય સેનાના જવાનોએ કુપવાડા સેક્ટરમાં નિયંત્રણ રેખા પર ઘૂસણખોરીના પ્રયાસને નિષ્ફળ બનાવ્યો હતો. સોશિયલ મીડિયા પ્લેટફોર્મ પર લઈ જઈને સેનાની ચિનાર કોર્પ્સે પોસ્ટ કરી હતી કે '' પોલીસ અને ભારતીય સેનાના જોઈન્ટ ઓપરેશનમાં કુપવાડા સેક્ટરમાં ઓપરેશન ચાલુ છે."