19મી સદી પહેલાં ગુલાબી રંગ પુરુષોનો હતો, પ્રથમ વિશ્વયુદ્ધથી મહિલાઓનો થયો

19મી સદીથી પહેલાં ગુલાબી રંગ યુદ્ધ અને શૌર્યનું પ્રતીક રહ્યો. 2000 વર્ષ પૂર્વે રોમન સામ્રાજ્યમાં અધિકારીઓના હેલ્મેટ અને ડ્રેસ ગુલાબી રંગના હતા. 1794માં આવેલા પુસ્તક ‘એ જર્ની રાઉન્ડ માય રૂમ’માં લખ્યું છે કે પુરુષોના રૂમમાં ગુલાબી રંગનાં પેઈન્ટિંગ અને વસ્તુઓ હોવી જોઇએ. તે ઉત્સાહ વધારે છે.

1. 1918 : પિન્ક કોલર જોબ મહિલાઓની મનાઈ અને પુરુષ તેનાથી દૂર રહેવા લાગ્યા

હેલા વિશ્વયુદ્ધના સમયે નર્સ, ટાઈપિસ્ટ, સેક્રેટરી જેવી નોકરીઓ વધી. આ ન તો ભણેલા લોકોની વ્હાઈટ કોલર જોબ હતી ન તો મજૂરોની બ્લૂ કોલર. તેને પિન્ક કોલર જોબ કહેવામાં આવી. તેમાં પ્રગતિની શક્યતાઓ મર્યાદિત હતી એટલા માટે તેને મહિલાઓની નોકરી મનાઈ. અહીંથી પુરુષો પિન્કથી દૂર રહેવા લાગ્યા.

2 . 1927 : પેરિસ ફેશન શોમાં મહિલાઓ માટે ગુલાબી રંગના વિચાર પર ચર્ચા થઈ

રિસ ફેશન શોમાં જેન્ડર કલર પેરિંગ શબ્દ ચર્ચામાં રહ્યો એટલે કે પુરુષો અને મહિલાઓને રંગોના આધારે જુઓ. જોકે 1927માં ‘ટાઈમ’ મેગેઝિને લખ્યું કે પિન્ક હજુ પણ પુરુષોની પસંદ છે. 1940 આવતા આવતા મહિલાઓ માટે પિન્ક અને પુરુષો માટે બ્લૂ રંગના પોશાક ટ્રેન્ડમાં આવવા લાગ્યા હતા.

3. 1950થી : અમેરિકી પ્રમુખનાં પત્નીનો ગુલાબી ડ્રેસ ફેશન આઈકોન બની ગયો

સમયમાં હોલિવૂડની કાઉબોય ફિલ્મો આવી. તેનાથી છોકરાઓમાં વ્હાઈટ ટીશર્ટ અને બ્લૂ જીન્સની ફેશન વધી. બીજી બાજુ અમેરિકી પ્રમુખ આઈજનહાવરનાં પત્ની ગુલાબી ડ્રેસમાં દેખાવા લાગ્યાં અને આ ડ્રેસ ટ્રેન્ડમાં આવી ગયો. તેના પછી તો છોકરીઓ માટે રૂમાલ, કપડાં, ડૉલ સહિત ઘણું બધું ગુલાબી રંગમાં બનવા લાગ્યું.

4 . 1985 : અલ્ટ્રાસાઉન્ડથી બાળકોના લિંગની ખબર પડવા લાગી, પ્રિન્ક-બ્લૂ વોર્ડરોબ ટ્રેન્ડમાં આવ્યા

અલ્ટ્રાસાઉન્ટ ટેક્નોલોજી 1985માં અાવી. જન્મ પહેલાં જ બાળકના લિંગની ખબર પડવા લાગી. માતા-પિતા આવનારા બાળક માટે પિન્ક અને બ્લૂ થીમ આધારિત રૂમ અને વોર્ડરોબ શણગારવા લાગ્યાં. 1997માં બાર્બી ડૉલ પણ પિન્ક થઈ ગઈ. આવી રીતે જન્મથી જ બાળકોના મનમાં રંગોનું મનોવિજ્ઞાન બનવા લાગ્યું.