ઇતિહાસ રચવા ભારત તૈયાર, આજે ચંદ્રની ધરતી પર ઉતરશે ચંદ્રયાન 3

• ચંદ્રના દક્ષિણ ધ્રુવ પર ઉતરનારો પ્રથમ દેશ બનશે ભારત
• ચંદ્રયાન - 3નું લેન્ડિંગ 1 થી 2 મીટર પ્રતિ સેકન્ડની ગતિથી થશે
• સમગ્ર દુનિયાની નજર ભારતના ચંદ્રયાન - 3 પર

આજનો દિવસ ભારત માટે ઐતિહાસિક બનવા જઈ રહ્યો છે. ચંદ્રયાન-3નું લેન્ડર આજે સાંજે 5:45 વાગ્યે ચંદ્ર તરફ જવાનું શરૂ કરશે અને ઈસરો સાંજે 6:45 વાગ્યે તેનું સોફ્ટ લેન્ડિંગ કરશે. જો ચંદ્રયાન-3ના લેન્ડર વિક્રમનું સોફ્ટ લેન્ડિંગ સફળ થશે તો રોવર પ્રજ્ઞાન તેમાંથી બહાર આવશે અને ચંદ્ર પર ચાલશે અને ત્યાંના પાણી અને વાતાવરણ વિશે માહિતી આપશે. પાણી અથવા બરફ સિવાય, અન્ય ઘણા કુદરતી સંસાધનો પણ ચંદ્ર પર મળી શકે છે, પરંતુ ચંદ્ર પર સોફ્ટ લેન્ડિંગના ઘણા પડકારો છે.

વિક્રમ લેન્ડરમાં રહેલો સેફ્ટી મોડ તેને કોઇપણ દુર્ઘટનાથી બચાવશે

ઈસરોએ દાવો કર્યો છે કે સુરક્ષિત ઉતરાણ માટે મજબૂત વ્યવસ્થા છે. ઈસરોની આશાઓ પોતાની જગ્યાએ છે, પરંતુ ચંદ્રયાન-3ના લગભગ એક મહિના બાદ રશિયાનું લુના-25 ચંદ્ર પર ક્રેશ થયું હતું. લગભગ 47 વર્ષ પછી જ્યારે ચંદ્ર પર મિશન ગયું તો માત્ર રશિયા જ નહીં પરંતુ સમગ્ર વિશ્વના વૈજ્ઞાનિકો ચોંકી ગયા. ઈસરોએ પણ લુના-25ના પ્રક્ષેપણ પર રશિયાને અભિનંદન પાઠવ્યા હતા. અને ભારતનું ચંદ્રયાન 3 આગામી ટેસ્ટ આપવાનું છે. ભલે રેસમાં હવે માત્ર ભારત જ બચ્યું છે, પરંતુ ચંદ્રના દક્ષિણ ધ્રુવ પર સોફ્ટ લેન્ડિંગ કરવામાં કોઈ દેશ સફળ થયો નથી, તેથી ભારત માટે પણ પડકાર મોટો છે.

ચંદ્રયાન 3 માટે આ ત્રણ મહત્વપૂર્ણ પડકારો છે...

પહેલો પડકાર લેન્ડરની ગતિને નિયંત્રિત કરવાનો છે. છેલ્લી વખત લેન્ડર વધુ સ્પીડના કારણે ક્રેશ થયું હતું. આ સિવાય લેન્ડર ચંદ્રયાન-3 માટે બીજો પડકાર એ છે કે લેન્ડિંગ વખતે લેન્ડર સીધુ રહે. લેન્ડર માટે ત્રીજો પડકાર તેને તે જ સ્થાન પર લેન્ડ કરવાનો છે, જે ઇસરોએ પસંદ કર્યું છે. ગત વખતે ચંદ્રયાન-2 ઉબડખાબડ જગ્યાએ અથડાવાને કારણે ક્રેશ થયું હતું.