રેસલર્સ પ્રોટેસ્ટ: વિનેશે ક્રિકેટરો સહિત ઘણા સ્ટાર ખેલાડીઓને આડેહાથ લીધા

• વિનેશે ક્રિકેટરો સહિત ઘણા સ્ટાર ખેલાડીઓના મૌન પર સવાલ ઉઠાવ્યા 
• અત્યારે સપોર્ટ ન કરી શકો તો મેડલ જીતવા પર પણ સમર્થન ના આપશો
• કુસ્તીબાજો છેલ્લા છ દિવસથી બ્રિજ ભૂષણ વિરુદ્ધ FRI માટે વિરોધ કરી રહ્યા છે

ભારતના દિગ્ગજ કુસ્તીબાજો વિનેશ ફોગાટ, બજરંગ પુનિયા અને સાક્ષી મલિક રેસલિંગ ફેડરેશન ઓફ ઈન્ડિયા (WFI) અને તેના પ્રમુખ બ્રિજભૂષણ શરણ સિંહ વિરુદ્ધ દિલ્હીના જંતર-મંતર ખાતે અનિશ્ચિત ઘરણા કરી રહ્યા છે. રેસલર્સે બ્રિજ ભૂષણ પર યૌન શોષણ સહિત અનેક ગંભીર આરોપો લગાવ્યા છે. કુસ્તીબાજો છેલ્લા છ દિવસથી વિરોધ કરી રહ્યા છે અને રસ્તા પર સૂઈ રહ્યા છે. કુસ્તીબાજોએ બ્રિજ ભૂષણ સામે એફઆઈઆર નોંધવાની પણ માંગ કરી છે.

ભારતીય ઓલિમ્પિક સંઘના પ્રમુખ પીટી ઉષા, ભારતના પ્રથમ ઓલિમ્પિક સુવર્ણ ચંદ્રક વિજેતા અભિનવ બિન્દ્રા સહિત અનેક ખેલાડીઓએ આ બાબતે નિવેદન આપ્યું હતું. જો કે વિનેશે ક્રિકેટરો સહિત ઘણા સ્ટાર ખેલાડીઓના મૌન પર સવાલ ઉઠાવ્યા છે. નિરાશ વિનેશે કહ્યું કે જેઓ આ બાબતે એક શબ્દ પણ બોલતા નથી તેમની પાસે હદય નથી.

રેસલર્સ પ્રોટેસ્ટ: વિનેશે ક્રિકેટરો સહિત ઘણા સ્ટાર ખેલાડીઓને આડેહાથ લીધા

વિનેશે ક્રિકેટરો પર કર્યો હુમલો
એક મીડિયા આઉટલેટ સાથે વાત કરતા, વિનેશે દેશના ટોચના ક્રિકેટરો પર આકરા પ્રહારો કર્યા, અને પૂછ્યું કે જ્યારે તેઓ સોશિયલ મીડિયા પર ઓલિમ્પિક્સ અથવા કોમનવેલ્થ જેવી રમતોમાં રમતવીરોની સિદ્ધિઓ પર વારંવાર ટિપ્પણી કરે છે ત્યારે તેઓ આ બાબતે મૌન કેમ છે. તેણે કહ્યું- આખો દેશ ક્રિકેટની પૂજા કરે છે, પરંતુ એક પણ ક્રિકેટરે કશું કહ્યું નહીં. અમે એવું નથી કહી રહ્યા કે તમે અમારી તરફેણમાં બોલો પરંતુ ઓછામાં ઓછો તટસ્થ સંદેશ આપો અને કહો કે કોઈપણ પક્ષને ન્યાય મળવો જોઈએ. મને આ જ વાતનું દુખ છે કે તે ક્રિકેટર હોય, બેડમિન્ટન ખેલાડી હોય, એથ્લેટિક્સ હોય કે બોક્સિંગ હોય.

વિનેશે કહ્યું- એવું નથી કે આપણા દેશમાં કોઈ મોટા એથ્લેટ નથી. ક્રિકેટરો છે. તેઓએ અમેરિકામાં બ્લેક લાઈવ્સ મૈટર આંદોલન દરમિયાન તેમને સમર્થન આપ્યું હતું. શું અમે આ લાયક પણ નથી? વિનેશને આશ્ચર્ય થાય છે કે શું તે ક્રિકેટરો અને અન્ય રમતવીરોના સ્પોન્સરશિપ કરારો છે જે તેમને ચૂપ રહેવા માટે મજબૂર કરી રહ્યા છે અથવા તે 'સિસ્ટમ' છે જેનો તેમને ડર છે.

વિનેશે ક્રિકેટરો પર નિશાન સાધ્યું 
વિનેશે કહ્યું- અમને ખબર નથી કે તેઓ કોનાથી ડરે છે. હું સમજું છું કે તેઓ ચિંતિત હોઈ શકે છે કે નિવેદન આપવાથી તેમની સ્પોન્સરશિપ અને બ્રાન્ડ એન્ડોર્સમેન્ટ અગ્રીમેન્ટને અસર થશે. કદાચ ��� જ કારણે તેઓ વિરોધ કરી રહેલા એથ્લેટ્સ સાથે જોડવામાં ડરી રહ્યા છે. આનાથી હું દુઃખ અનુભવી રહ્યો છું.જ્યારે અમે કંઈક જીતીએ ત્યારે તમે અમને અભિનંદન આપવા આગળ આવો. તેમજ ત્યારે ક્રિકેટરો પણ ટ્વિટ કરે છે. હવે શું થયું? શું તમે સિસ્ટમથી ડરો છો? અથવા કદાચ એવુ પણ હોય શકે કે ત્યાં પણ ગડબડ હોય શકે છે. શું આપણે એમ માની લઈએ કે અહીં પણ કંઇક દાળમાં કાળું છે?

વિનેશે કહ્યું- લોકો કહે છે કે કુસ્તીબાજનું મગજ ઘૂંટણમાં હોય છે, પરંતુ હું કહીશ કે અમારું દિલ, દિમાગ... બધું જ યોગ્ય જગ્યાએ છે. અન્ય એથ્લેટ્સે તપાસ કરવાની જરૂર છે કે તેમનું મન ક્યાં છે. તેની પાસે તો બિલકુલ હૃદય નથી. વિનેશે ક્રિકેટરો અને અન્ય એથ્લેટ્સને પણ કહ્યું કે જો તેઓ તેમને આ ક્ષણે પણ સમર્થન ન આપી શકતી હોય તો જ્યારે આ ખેલાડીઓ દેશ માટે મેડલ જીતે ત્યારે તેમને સમર્થન ન આપે.

 કાઠમંડુ એરપોર્ટથી દુબઈ જતી ફ્લાઇટમાં આગ લાગી

'શું ક્રિકેટરો ડરી ગયા છે?'
વિનેશે કહ્યું- તમે ફોટા મૂકો છો, તમે બ્રાન્ડ કોલબ્રેશન કરો છો. તો શું તમે એવી પોસ્ટ ન મૂકી શકો કે અમને ન્યાય મળવો જોઈએ, બસ અમે આટલી જ વિનંતી કરીએ છે. જો અમે સંઘર્ષના આ સમયમાં તેમના સમર્થનને લાયક ન હોઈએ, તો ઈશ્વરની ઈચ્છાથી જો અમે આવતીકાલે કોઈ મેડલ જીતી લઈએ અને તેના માટે ખૂબ મહેનત કરીએ, તો તે કદાચ અમને અભિનંદન પાઠવવા માટે ન આવે. એવું ન કહેતા કે તમને અમારી ક્ષમતાઓમાં વિશ્વાસ હતો, કારણ કે તમને વિશ્વાસ નથી. તેથી જ તમે અત્યારે અમારા પર શંકા કરો છો.

 

 

સેહવાગ અને કપિલ દેવે કુસ્તીબાજોને સપોર્ટ કર્યો હતો

જો કે વિનેશના આ નિવેદન બાદ કપિલ દેવ, વીરેન્દ્ર સેહવાગ, હરભજન સિંહ અને ઈરફાન પઠાણના નિવેદનો સામે આવ્યા છે. ભારતને 1983નો વર્લ્ડ કપ જીતાડનાર કેપ્ટન કપિલ દેવે ઈન્સ્ટાગ્રામ પર કુસ્તીબાજોની તસવીર પોસ્ટ કરી અને લખ્યું- શું તેમને ક્યારેય ન્યાય મળશે?

તે જ સમયે, ભૂતપૂર્વ ભારતીય ક્રિકેટર વીરેન્દ્ર સેહવાગે લખ્યું - તે ખૂબ જ દુખની વાત છે કે આપણા ચેમ્પિયન, જેમણે દેશનું નામ રોશન કર્યું, ધ્વજ ફરકાવ્યો, આપણા બધા માટે ઘણી ખુશીઓ લાવી, તેમને રસ્તા પર આવવું પડ્યું. આજે આ ખૂબ જ સંવેદનશીલ મામલો છે અને તેની નિષ્પક્ષ તપાસ થવી જોઈએ. આશા છે કે ખેલાડીઓને ન્યાય મળશે.

 

IPL 2023 : KKRની આ સિઝનમાં ત્રીજી જીત, RCBને 21 રને હરાવ્યું

 IPL 2023: લખનૌની શાનદાર જીત, પંજાબને 56 રને હરાવ્યું

 

 

હરભજન સિંહે કહ્યું- સાક્ષી, વિનેશ ભારતનું ગૌરવ છે. મારા દેશનું ગૌરવ એક રમતવીર તરીકે વિરોધ કરવા માટે રસ્તાઓ પર ઉતરતા જોઈને મને દુઃખ થાય છે. હું પ્રાર્થના કરું છું કે તેમને ન્યાય મળે. તે જ સમયે, ઇરફાન પઠાણે કહ્યું - ભારતીય એથ્લેટ્સ હંમેશા આપણું ગૌરવ છે, માત્ર ત્યારે જ નહીં કે જ્યારે તેઓ મેડલ જીતે છે.