શું તમારા ઘરે છે આ 5 ઈલેક્ટ્રોનિક ઉપકરણો? તો ભારે નુકસાનની શક્યતા

કંપનીઓ પેકેજિંગ પર એક્સપાયરી ડેટ લખી શકતી નથી
જૂના સ્પીકર, ફોન ડિવાઈસ ઘરમાં ભેગા કરવાથી બનશે જોખમી
સ્માર્ટફોન અને ફીચર ફોનમાં લિથિયમ-આયન બેટરી હોય છે

કંપનીઓ પેકેજિંગ પર લખી શકતી નથી પરંતુ ઈલેક્ટ્રોનિક ઉપકરણોની પણ એક્સપાયરી ડેટ હોય છે. મોટાભાગના લોકો જૂના સ્પીકર, ફોન ડિવાઈસ ઘરમાં ભેગા કરે છે પરંતુ તે જોખમી બની શકે છે. જોકે, તમે જૂના ઉપકરણને રિસાયકલ કરાવી શકો છો.

કેટલીક વસ્તુઓ અથવા તો જૂના ઉપકરણોને રિસાયકલ કરવા માટે થર્ડ પાર્ટીની કંપનીને આપવું જોઈએ. આ વ્યક્તિગત અને પર્યાવરણીય નુકસાન ઘટાડે છે. સ્માર્ટફોન અને ફીચર ફોનમાં લિથિયમ-આયન બેટરી હોય છે. તે ઝડપથી ડેમેજ પણ થાય છે અને તેનાથી જોખમ વધી જાય છે. ભૂતકાળમાં પણ બેટરી વિસ્ફોટની અનેક ઘટનાઓ સામે આવી છે. જેના કારણે મિલકત સહિત અન્ય વસ્તુઓને નુકસાન થઈ શકે છે. આવી સ્થિતિમાં જો ઘરના ડ્રોઅરમાં જૂનો ફોન હોય તો તેને કાઢી નાખો.

જૂનું રાઉટર

જો તમે હજી પણ જૂના રાઉટરનો ઉપયોગ કરો છો તો પછી તમને નુકસાન થઈ શકે છે. સાયબર અપરાધીઓ સુરક્ષા છટકબારીનો લાભ લઈને તમારા રાઉટરને હેક કરી શકે છે. આ સિવાય ઈલેક્ટ્રોનિક પ્રોડક્ટનો વધુ ઉપયોગ કરવાથી શોર્ટ સર્કિટ અને આગ લાગી શકે છે.

જૂની હાર્ડ ડ્રાઈવો

જૂની હાર્ડ ડ્રાઈવો સલામત દેખાઈ શકે છે પરંતુ તે નથી. હાર્ડ ડ્રાઈવમાં એલ્યુમિનિયમ, રક્ષણાત્મક પોલિમર, પ્લાસ્ટિક અને મેગ્નેટનો સમાવેશ થાય છે. તમે તેને ડ્રોઅરમાં બંધ કરીને લાંબા સમય સુધી રાખી શકતા નથી. જો હાર્ડ ડ્રાઈવ ખૂબ જૂની છે તો તેને સુરક્ષિત રીતે ડેટાની નકલ કરીને રિસાયકલ કરી શકાય છે.

જૂના પાવર કેબલ્સ

જૂના પાવર કેબલોએ તેમના ઈન્સ્યુલેશન ગુણધર્મો ગુમાવ્યા હોઈ શકે છે. આ સ્પાર્ક અથવા આંચકાનું જોખમ રજૂ કરી શકે છે. જો તે વધુ ખતરનાક હોય તો આગ પણ લાગી શકે છે. આ કારણોસર સમયાંતરે જૂના કેબલની તપાસ કરાવો અને જો જરૂરી હોય તો તેને બદલો.

તૂટેલી દિવાલ સોકેટ

જો તમારા ઘરમાં બાળકો હોય તો તૂટેલા વોસ સોકેટ્સ ખતરનાક બની શકે છે. તેમાં હાજર નટ્સ, બોલ્ટ અને તૂટેલા ટુકડા બાળકને નુકસાન પહોંચાડી શકે છે. જો તમારા ઘરમાં તૂટેલી દિવાલ સોકેટ હોય તો તેને તરત જ બદલી નાખો.