આ રાજ્યમાં હવે પોલીસ સ્ટેશનની અંદર નહીં બની શકે મંદિર

અશોક ગહેલોત સરકારના આદેશ બાદ અનેક સવાલો ઉભા થયા
રાજસ્થાનમાં અનેક પોલીસ સ્ટેશન મંદિરની જમીન પર બનાવવામાં આવ્યા છે
જે પોલીસ સ્ટેશન મંદિર પરિસરમાં છે તેનું હવે શું થશે?

રાજસ્થાનની કોંગ્રેસ સરકારે હાલમાં જ એક વટહુકમ બહાર પાડીને આદેશ આપ્યો હતો કે કોઈપણ પોલીસ સ્ટેશનની અંદર કોઈ મંદિરનું નિર્માણ નહીં કરી શકાય અને ન તો મંદિર બનાવીને પૂજા કરી શકાશે. પરંતુ ભરતપુર જિલ્લામાં એક પોલીસ ચોકી છે જે પોતે મંદિર પરિસરમાં છે અને મંદિરની જમીન પર જ ચાલી રહી છે. આ ચોકીમાં તૈનાત પોલીસકર્મીઓ મંદિરમાં પૂજા કરે છે.

મંદિર પરિસરમાં ચાલી રહ્યા છે અનેક પોલીસ સ્ટેશન અને ચોકીઓ

એક તરફ રાજ્ય સરકારે આદેશ આપ્યો છે કે મંદિર કોઈપણ પોલીસ સ્ટેશન કે ચોકીની અંદર બનાવવામાં આવશે નહીં. તો બીજી તરફ, રાજ્યમાં ઘણી એવી પોલીસ ચોકીઓ અને પોલીસ સ્ટેશન છે જે મંદિરની જમીનથી જ સંચાલિત છે. આવો જ એક કિસ્સો ભરતપુર જિલ્લાના રૂપવાસ પોલીસ સ્ટેશન વિસ્તારની ગહડોલી મોડ ચોકીનો છે. જે છેલ્લા 15 વર્ષથી મંદિર પરિસરમાં ચાલી રહી છે. ખાસ વાત એ છે કે પોલીસ તેના માટે કોઈ ભાડું પણ આપતી નથી.

પોલીસ તેનું ભાડું પણ ચૂકવતી નથી

ગહડોલી મોડ પોલીસ ચોકીના ઈન્ચાર્જ પૃથ્વીરાજે જણાવ્યું કે આ મંદિર ગામલોકોએ લોકોની મદદથી બનાવ્યું છે, જેની પૂજા પોલીસ સ્ટાફ કરે છે અને અહીં કોઈ મહંત રહેતા નથી. આવી સ્થિતિમાં સવાલ એ થાય છે કે એક તરફ અશોક ગેહલોતની સરકાર પોલીસ સ્ટેશનો અને ચોકીઓમાંથી મંદિર બનાવવા પર પ્રતિબંધ લગાવી રહી છે, જ્યારે મંદિર પરિસરની અંદર અનેક પોલીસ ચોકીઓ કાર્યરત છે, તેમનું શું થશે.

મંદિર પરિસરમાં 15 વર્ષથી ચોકી ચાલી રહી છે

સ્થાનિક લોકોનું કહેવું છે કે આ જમીન ધર્મશાળા અને મંદિર માટે દાનમાં આપવામાં આવી હતી. જેથી અહીંથી પસાર થતા લોકો આરામ કરી શકે. લગભગ 15 વર્ષથી અહીંના કેમ્પસમાં પોલીસ ચોકી ચાલી રહી છે.