હોળીના દિવસે 499 વર્ષ પછી અદભુત મહાસંયોગ બની રહ્યો છે, સર્વાર્થ અને અમૃતસિદ્ધિયોગમાં ઊજવાશે તહેવાર
- હોળીના દિવસે ચંદ્ર કન્યા રાશિમાં રહેશે, ગુરુ અને શનિ પોતપોતાની રાશિઓ, એટલે કે ધન અને મકરમાં વિરાજમાન રહેશે
- હોળિકાદહનનો સમયગાળો 28 માર્ચ, રવિવારે 6-36 મિનિટથી લઈને 8-56 મિનિટ સુધીનો રહેશે
હોળીનો તહેવાર ફાગણ મહિનાની પૂનમ તિથિએ દર વર્ષે ખૂબ જ ઉત્સાહ સાથે ઊજવવામાં આવે છે. પૂનમની રાતે હોળિકાદહન કરવામાં આવે છે અને બીજા દિવસે ધુળેટી ઊજવાય છે. આ વર્ષે 28 માર્ચના રોજ હોળિકાદહન કરવામાં આવશે, જ્યારે 29 માર્ચે સવારે ધુળેટી ઊજવવામાં આવશે. આ વખતે હોળીનો તહેવાર અન્ય કારણોને લીધે ખાસ રહેશે. જ્યોતિષાચાર્યો પ્રમાણે આ વખતે હોળીના દિવસે 499 વર્ષ પછી ગ્રહોનો અદભુત સંયોગ બની રહ્યો છે. આ લેખમાં વધુ જાણો હોળીના તહેવાર અંગે વિશેષ સંયોગ, તિથિ, હોળાષ્ટક અને શુભ મુહૂર્ત અંગે વિસ્તારમાં
હોળીના દિવસે બનતો શુભ સંયોગઃ-
જ્યોતિષાચાર્યોના જણાવ્યા પ્રમાણે, હોળીના દિવસે ચંદ્ર કન્યા રાશિમાં રહેશે, જ્યારે ગુરુ અને ન્યાયના દેવતા શનિ પોતપોતાની રાશિઓ એટલે ધન અને મકર રાશિમાં વિરાજમાન રહેશે. જ્યોતિષાચાર્ય પ્રમાણે, ગ્રહોનો આવો મહાસંયોગ 1521માં પણ બન્યો હતો. 499 વર્ષ પછી ફરી એકવાર હોળીના દિવસે આવો મહાસંયોગ બનશે.
હોળીના દિવસે આ સંયોગ પણ બની રહ્યા છેઃ-
રંગોના આ તહેવાર હોલીમાં બે ખાસ સંયોગ પણ બની રહ્યા છે. જ્યોતિષાચાર્યો પ્રમાણે, હોળીના દિવસે આ વખતે સર્વાર્થસિદ્ધિયોગ અને અમૃતસિદ્ધિયોગ પણ બનશે. આ બંને જ યોગ ખૂબ જ શુભ માનવામાં આવી રહ્યા છે.
હોળીના દિવસે શુભ મુહૂર્તઃ-
હોળિકાદહન રવિવાર, 28 માર્ચના રોજ કરવામાં આવશે. આ દિવસે સાંજે 6 વાગ્યા ને 36 મિનિટથી લઇને 8 વાગ્યા ને 56 મિનિટ સુધી હોળિકાદહનનું મુહૂર્ત જણાવવામાં આવી રહ્યું છે, એટલે તેનો કુલ સમયગાળો 2 કલાક 19 મિનિટનો રહેશે. પૂનમ તિથિ 28 માર્ચના રોજ સવારે લગભગ સાડાત્રણ વાગ્યાથી 29 માર્ચની રાતે લગભગ સવાબાર વાગ્યા સુધી રહેશે.
હોળાષ્ટક ક્યારે છેઃ-
હિંદુ ધર્મમાં હોળીના આઠ દિવસ પહેલાં બધાં શુભ કાર્યો વર્જિત માનવામાં આવે છે. આ સમયગાળાને હોળાષ્ટક કહેવામાં આવે છે. ફાગણ સુદ આઠમથી હોળિકાદહન સુધી હોળાષ્ટક રહે છે. આ વખતે હોળિકાદહન 29 માર્ચના રોજ રહેશે, એટલે હોળાષ્ટક 21 માર્ચથી 28 માર્ચ સુધી રહેશે. હોળાષ્ટકમાં શુભ કાર્યો વર્જિત હોય છે, પરંતુ જન્મ અને મૃત્યુ સાથે જોડાયેલાં કામકાજ કરી શકાય છે.
હોળાષ્ટક કેમ હોય છેઃ-
હિંદુ ધર્મની માન્યતાઓ પ્રમાણે, હિરણ્યકશ્યપે આઠ દિવસ સુધી પોતાના પુત્ર પ્રહલાદ ઉપર ખૂબ જ અત્યાચાર કર્યા હતા. ભગવાન વિષ્ણુના ભક્ત પ્રહલાદ પર ખૂબ જ કૃપા હતી, એટલે તેઓ દરેક વખતે બચી જતા હતા, ત્યારથી જ હોળીના 8 દિવસ પહેલાં હોળાષ્ટક ઊજવવાની પરંપરા ચાલી રહી છે.
પ્રહલાદના પ્રાણ કેવી રીતે બચી શક્યાઃ-
હિરણ્યકશ્યપની બહેન હોળિકાને વરદાન મળ્યું હતું કે તેના ઉપર અગ્નિની કોઇ અસર થશે નહીં. પોતાના અહંકારી ભાઈના કહેવાથી હોળિકા પોતાના ભત્રીજા પ્રહલાદને લઇને અગ્નિમાં બેસી ગઇ, પરંતુ શ્રીહરિની કૃપાથી પ્રહલાદના પ્રાણ બચી ગયા અને હોળિકા બળીને ભસ્મ થઈ ગઈ.
YOU MIGHT ALSO LIKE
Recent Post
Trending Post
-
Apr 09,2024મની મેનેજમેન્ટ અને બચત : ધારો તો બધું જ શક્ય છે!
